[A:67]gnyis kyi chos kyi 'khor lo/ mu stegs byed dang thun mong ma yin pa/ dus lo bdun gyi bar du gsungs pas/ dgos pa gang zag tu 'dzin pa las log nas phal cher 'bras bu bzhi la bkod do/ /de ltar rnam pa bcu gnyis kyis/ /chos kyi 'khor lo rab bskor ba/ /kauNDi Nyas kun shes te/ /dkon mchog gsum po mngon du 'grub/ /ces so// //
! 'khor lo gnyis pa ni/ de nas 'khor snga ma rnams bkye nas/ lteng rgyas 'od srungs ral pa can lo nyi shu lon pa/ dka' thub spyod pa de btul na ma ga dhA'i skye bo rnams tshegs chung ngus 'dul bar dgongs nas/ de'i bsti gnas su gshegs pa dang / dge sbyong chen po byon pa legs so zhes te/ gdan bshams pa la bzhugs so/ /de nas 'od srungs la khyod kyi me khang klu gdug pa can gnas pa der nga 'dug gis gnang bar gyis shig ces pa dang / dge sbyong chen po ci bde bar bzhugs shig ces nas der mi'i ting nge 'dzin la zhugs te/ klu btul nas lhung bzed du bcug ste bstan pa dang / dge sbyong chen po 'di ni rdzu 'phrul dang mthu che mod kyi/ bdag kyang dgra bcom pa yin no snyam mo/ /de nas me thab stong lnga brgya sbar bar ma nus pa sbar ba dang / yang bsad par ma nus pa bsad pa dang / rgyal po bzhi la chos bshad pas me phung bzhir mthong ba dang | lha'i dbang po brgya byin de bas kyang 'bar ba dang / tshangs pa la de bas kyang cher 'bar ba dang / khos mchod sbyin zhag bdun pa thugs kyis mkhyen nas slar yang bzhud de byon nas/ khos gdugs tshod drangs pa'i tshe skad cig la shing dzam bu'i snye ma dang / sgra mi snyan gyi 'bras sA lu dang / yongs 'du sa brtol gyi