[A:68]'bras bus lhung bzed bkang ste byin pa dang / de nai ranydza nar chu la gyen du mi gang tsam 'phags par bzhugs par bstan kyang bdag kyang dgra bcom pa'o snyam pa la/ thub pas 'di skad ces khyod ni dgra bcom pa ma yin/ zhugs pa ma yin zhing / de lam yang mi shes so zhes gsungs pa dang / de nas dad de 'khor lnga brgya dang bcas pa drung du phyin pas/ 'od srungs tshur shog la tshangs par spyad pa spyod cig ces gsungs pa tsam gyis de thams cad skra dang kha spu byi nas gos ngur smrig gyon pa'i dge slong gi dngos por gyur to/ /de'i tshe lteng rgyas 'od srungs kyi spun chu klung 'od srungs dang ga ya 'od srungs gnyis 'khor nyis brgya lnga bcu lnga bcu dang bcas pa yang snga ma bzhin du gyur te de gnyis kyi gnas su yang rim gyis bzhugs so/ /de nas ma ga dhA'i rgyal po gzugs can snying pos thub pa ga ya'i mchod rten la dge slong stong dang lhan cig bzhugs so zhes thos te| rgyal po'i khab bya ka lan ta ka gnas par spyan drangs nas bzhugs so/ / de'i tshe de nas yang dag rgyal ba can dus byas te/ nye rgyal dang pang nas skyes gnyis tshogs sdud pa na/ rta thul gyis bsod snyoms la phyin pa dang / nye rgyal dang phrad de nye rgyal gyis khyod kyi ston pa gang / su la rab tu byung / chos gang la dga' zhes pa dang / kho bo ston pa bcom ldan 'das de la rab tu byung zhing de'i chos la dga'o/ /'o na chos ston cig ces pa dang rta thul gyis/ ji ltar 'jig rten las dang nyon mongs rgyur bcas byed gyur ldan 'byung dang / /las dang nyon mongs ldog rgyu de yang 'dren pas rab tu gsungs/ /gang na skye dang rga dang rgud pa'i sdug bsngal nges par mi gnas pa/ /thar pa'i mchog de smra ba'i khyu mchog de