[A:69]yis rang gis mkhyen te gsungs/ /zhes brjod pas nye rgyal chos kyi mig rdul med cing dri ma dang bral ba thob nas phyag byas te phyin pa dang / pang nas skyes kyis mthong ste khyod kyis bdud rtsi brnyes pa ston cig ces pa dang sngar bzhin brjod pas de yang grol te/ skyob pa rnams kyi chos 'di yis/ /sngon chad ma mthongaX | |'chi med mya ngan med pa yi/ /go 'phang 'di ni myur du rtogs/ /zhes brjod nas 'khor nyis brgya lnga bcu lnga bcu dang bcas pa snga ma bzhin du gyur te/ mo'u 'gal dang shA ri'i bu zhes grags so/ /'o na dge slong stong nyis brgya lnga bcu las med dam snyam na de rnams kyis 'khor gyi gtso bo smos pa yin te/ rnga bo che'i mdo las dge slong lnga brgya tsam dang thabs gcig ces pa ni skyes bu'i gtso bo rnams bzung bar rig par bya ste/ zhes pa dang / sprin chen po las/ bya rgod phung po'i ri la dge slong 'bum phrag dgu bcu rtsa brgyad ces so/ /de nas gnas rgyal po'i khab bya rgod phung po'i ri la sogs par theg pa chen po'i 'khor bzhis gtso bo mdzad nas/ chos ni chos thams cad ngo bo nyid med pa ma skyes pa ma 'gags pa gdod ma nas zhi ba rang bzhin gyis mya ngan las 'das pa'o/ /zhes pa la sogs pa mtshan ma med pa'i chos kyi 'khor lo dus lo bcu'i bar du bskor ba las| dgos pa dngos por 'dzin pa'i lta ba las bzlog cing bgrod pa gcig pa'i lam la bkod de/ rgya che rol pa las/ kun gzhi med cing spros pa med/ /skye 'gag med cing blang dor med/ /stong pa nyid du tshul gcig pa'i/ /chos kyi 'khor lo rab bskor ro/ /zhes pa dang / yum rgyas pa las/ kye ma 'dzam bu'i gling du chos kyi 'khor lo lan gnyis su bskor bar mthong zhes so// //