[A:70]
! 'khor lo gsum pa ni/ de nas ko sa la'i rgyal po gsal rgyal gyis/ rgyal po zas gtsang ma la dge bar (dges par )mdzod cig dang / khyod kyi sras kyis bdud rtsi brnyes nas 'gro ba tshim par byed do/ /zhes springs pa thos nas yab kyis 'char ka la/ gang tshe thog ma khyod gshegs tshe/ /'chi med bdud rtsi brnyes byas nas/ /chos kyis shin tu phan gdags zhes/ khyod kyis dam bca' dgongs par mdzod/ /ces pa'i yi ge bskur ba dang / thub pas zhal gy-is bzhes te/ shA ri'i bus 'char ka rab tu phyung ngo / /de nas 'char kas ser skyar phyin te lha dgyes par mdzod/ da ste zhag bdun na bcom ldan 'das byon gyis gtsug lag khang rtsigs shig ces pa dang / rgyal pos gtsug lag khang chen po bcu drug dang khang phran drug cu brtsigs te bkod pa rgya chen po bshams so/ /de nas mo'u 'gal gyi bus dge slong rnams la go bar byas te/ sangs rgyas 'khor dang bcas pa nam mkha' la gshegs pa dang / yab kyis/ khyod ni sngon gyi pho brang na/ /glang po'i shing rtas bzhud bzhud pas/ /tsher mar bcas pa'i sa gzhi la| |zhabs kyis gshegs pa ji ltar bde/ /zhes pa la sogs pa dang / bcom ldan 'das kyis/ nga ni shing rta rdzu 'phrul rkang / /yang dag rtsol ba'i bzhon pa yis| |sa kun rnam par rgyu na yang / /nyon mongs tsher mas gnod pa med/ / ces pa la sogs pa gsungs pas/ shAkya bdun khri bdun stong smin par byas so// de nas bcom ldan 'das la lha'i bu stong phrag du mas bskor te lha yis sprul pa'i khang pa'i nang du gshegs pa dang / mo'u 'gal gyi bus zas gtsang khrid nas phyin pas rgyal po chen po bzhis sgo bzhi srungs nas 'gror ma ster ba la bcom ldan