[A:71]'das kyis khang pa de shel las byas par sprul te chos gsungs pas/ yab kyis de dag mthong zhing thos nas rgyun du zhugs pa'i 'bras bu thob pa dang / shAkya bzang ldan la rgyal srid gtad do/ /de nas yab kyis gdugs tshod la spyan drangs te/ shing nya gro ta'i kun dga' ra ba phul ba dang 'di snyam du bcom ldan 'das kyi 'khor 'di spyod lam mdzes kyang gzugs mi mdzes pas shAkya'i 'khor mdzes snyam nas/ shAkya rnams la khyim re re nas mi re re rab tu byung zhig ces bsgo ba dang shAkya bzang ldan la sogs pa lnga brgya skra dang kha spu 'breg mkhan rigs ngan nye ba 'khor gyis bregs pa la rgyan rnams byin pa dang / bdag ni rigs ngan pas rab tu byung ba'i skal ba med do snyam pa la/ shA ri'i bus/ thub pa'i gsung rab ni rigs dang / brgyud dang thos pa gtso bo ma yin no/ /zhes te khrid nas phyin pa dang / bcom ldan 'das kyis dge slong dag tshur shog la tshangs par spyad pa spyod cig ces gsungs pas dge slong du gyur to/ /de'i tshe shAkya lnga brgya bsnyen par rdzogs te/ thams cad kyis nye ba 'khor gyi rkang pa la gtugs shing lhas byin gyis sangs rgyas kyi gsung bcag nas ma btud do/ /de nas shAkya rnams kyis thog mar rigs brgyud gang yin zhes zhus pas/ bcom ldan 'das kyis mo'u 'gal bskul te des smras pa/ go'u ta ma rnams sngon 'jig rten chags pa na 'od gsal gyi lha tshe dang bsod nams zad pa rnams 'dir skyes te/ nyi zla gza' skar dang pho mo dang mi dge ba bcu yang med pa na/ sa'i bcud sbrang rtsi ltar mngar ba zos pas lus lci zhing mun pa byung bas nyi zla gza' skar byung ngo | |zas kyis lus kyi kha dog rgyas te de'i nga rgyal gyis sa'i bcud nub cing