[A:72]sa'i zhag dang myu gu'i tshal yang nub pa dang / 'bras sA lu'i 'bras bu shun pa med cing mngar ba zos pas pho dang mo'i dbang po dod de bya ba ma yin pa byas pas khang pa brtsigs so/ /de nas kha cig gis sA lu rnams dus gcig tu blangs pas shun pa g.yogs te ma grus pas slar ma skyes pas sa gzhi ris su bcad pa med pa ma byin par blangs so/ /de'i tshe skyes bu gzugs bzang zhing mdzes pa zhig la/ khyod kyis ngan pa la chad pa dang bzang la bya dga' gy-is shig de thog shas nas dbul lo/ /zhes kun gyis bkur bas mang pos bkur ba zhes pa ste/ nyams pa las skyob pas na rgyal rigs zhes grags so/ /de nas bzung ste rgyal po kri kri yan chad la gdung brgyud 'bum phrag bcu dang khri dgu stong nyis brgya 'das pa na/ rgyal po rna ba can la bu go'u ta ma dang ba ra dwa dza gnyis yod pa las| ba ra dwa dzas gru 'dzin du rgyal po byas te/ go'u ta ma drang srong mdog nag la rab tu byung nas gru 'dzin gyi nye 'khor du gnas so/ /de'i tshe smad 'tshong ma bzang mo zhes bya ba skyes pa padma'i rtsa lag gis bkug pa dang / bzang mos chas pas lam du skyes pa zhig gis bzung ba dang / bzang mos g.yog mo la bsgo ba/ khyod padma'i rtsa lag gi drung du song la re zhig skabs ma mchis so zhes smros shigades kyang de bzhin du byas pa dang / bzang mos nam sum cha tsam na der phyin te g.yog mo la 'phrin bskur bas padma'i rtsa lag khros pa dang / g.yog mos bzang mo ni skyes pa gzhan dang lhan cig go /zhes smras pas padma'i rtsa lag 'dod pa'i chags pa dang bral nas rab tu khros te ral gris bzang mo bsad do/ /de nas g.yog mos jo mo bsad do zhes brjod pas padma'i rtsa lag shin tu skrag nas/