[A:73] drang srong go'u ta ma'i mdun du ral gri khrag can bor te skye bo'i nang du zhugs pa dang | skye bo'i tshogs chen pos de mthong nas kwa ye rab tu byung ba 'dis bzang mo la spyad nas bsad do//zhes de rgyal po la phul bas gsal shing la bskyon no// de'i tshe mkhan po drang srong mdog nag gis de mthong nas bu khyod kyis ci zhig byas zhes pa la/ ci yang ma bgyis mod kyi las ngan gyis so/ /bu/ ji ltar shes/ mkhan po bdag la skyon med na mkhan po khyod gser gyi mdog tu gyur cig ces brjod pas de bzhin du gyur te/ drang srong gser mdog ces grags so/ /de nas go'u ta mas bdag phyi ma gar skye zhus pas/ bu med par 'gro ba med kyis sngar 'dod pa spyad pa dran par gyis shig ces pa dang / 'khrig pa'i 'dod chags dran te| khu ba thigs pa khrag dang bcas pa gnyis lhung bas sgo nga gnyis su gyur nas nyi ma'i 'od zer gyis smin par byas pa las/ khye'u gnyis byung ste bu ram shing gi tshal du gnas so/ /de'i tshe drang srong gser mdog gis de dag mthong nas de gnyis go'u ta ma'i bur shes te bskyangs nas go'u ta ma nyi ma'i rigs bu ram shing pa zhes btags so/ /de nas phyis rgyal po ba ra dhwa dza bu med par shi nas blon po rnams kyis drang srong gser mdog la go'u ta ma dris pas de khyed kyis bsad do zhes bu gnyis byin pa dang / khye'u che ba rgyal por bskos pas bu med par shi ba dang / chung ba rgyal por byas de'i brgyud brgya tham pa gru 'dzin du byung ba'i mtha' ma bu ram shing pa 'phags skyes po zhes bya'o/ /de la bu bzhi yod pa las btsun mo shi nas rgyal po dbang che ba gzhan zhig gi bu mo btsun mor bslangs pa dang des kyang byin te/ nga'i bu mo la khye'u byung na rgyal srid byin cig