[A:74]ces bsgo ba dang / de la khye'u zhig btsas te ming rgyal srid dga' zhes btags nas| rgyal srid sbyin pa'i dus la babs pa na gzhon nu snga ma rnams sring mo dang 'khor dang bcas te spyugs so/ /de nas gzhon nu rnams gangs ri dang nye ba chu skal ldan shing rta'i 'gram drang srong ser skya'i bsti gnas dang mi ring ba zhig tu gnas pa na/ drang srong ser skya'i gzhon nu rnams la mas dbyen gyis sring mo dang lhan cig 'dod pa spyod cig dang rung ngo / /zhes bsgo ba nyan pas bu dang bu mo mang po byung ba dang / drang srong gis bum pa'i chus ri mo bris te sa phyogs 'ga' zhig byin pa las brtsigs pas ser skya'i gzhi zhes grags so/ /de nas phyis rgyal po 'phags skyes pos bu rnams dran te dris pa la/ rgyas par brjod pa la rgyal pos gzhon nu rnams sring mo dang lhan cig phod pa yin no/ /zhes brjod pas shAkya zhes btags so/ /de nas 'phags skyes po shi nas rgyal srid dga' rgyal po byas shing / de yang bu med par shi nas shAkya rnams kyis rgyal po byas te/ de'i brgyud lnga khri lnga stong dang bcu gnyis ser skya'i gzhir byung ba'i tha ma ni seng ge 'gram ste/ de yan chad la 'bum phrag bcu dang bdun khri bzhi stong bzhi brgya bcu gnyis 'das so/ /seng ge 'gram gyi sras bzhi'i zas gtsang la bcom ldan 'das dang / dga' bo dang / zas dkar la rgyal dang / bzang ldan dang / bre bo zas la ming chen dang / ma 'gags pa dang / bdud rtsi zas la kun dga' bo dang lhas sbyin no/ /de nas gnas grong khyer ser skya dang / gnyan yod dang / yangs pa can dang / padmo can dang / lang ka pu ri la sogs par 'khor gdul bya sna tshogs pa dag la chos ni langkar gshegs pa las/ kun rdzob tu ni thams