[A:75]cad yod/ /dam pa'i don du yod ma yin/ /chos rnams ngo bo nyid med pa/ /zhes pa la sogs pa don rnam par nges pa'i chos kyi 'khor lo lo sum cu'i bar du gsungs pas/ dgos pa yod med dam rtag chad kyi lta ba bsal nas la la sems tsam dang / la la dbu ma'i lam la bkod de/ rgya che rol pa las/ yod dang med las rnam grol bas/ /bdag dang bdag med rnam spangs pa/ /rang bzhin ma skyes bstan pa ni/ /chos kyi 'khor lo 'di brjod do/ /zhes so/ / gsum pa rtsod pa spong ba ni/ gal te bka' dang pos yod par dang gnyis pas med par gsungs pas 'gal lo zhe na/ de la sems tsam pas ni dang pos kun rdzob gzhan dbang yod pa dang / bar pas kun btags gzung 'dzin gnyis med la dgongs pa can yin la/ tha ma ni yongs grub don dam ston pas nges don no zhes 'chad do/ /dbu ma pas ni dang pos kun rdzob tu don med pa'i log rtog dang / gsum pas sems med pa'i log rtog dgag pa'i phyir gsungs pas drang don yin la/ bar pas yod med dam rtag chad kyi mtha' dang bral bar ston pas nges don no zhes zer ro/ /don ni mtha' ma'i mdo langkar gshegs pa la sogs pa dang bka' dang po drang don yin te/ rtog ge 'bar ba las/ mdo las sems tsam gsungs pa yang / /byed po za po dgag phyir ro/ /zhes so/ /yang tha ma'i mdo ting nge 'dzin rgyal po la sogs pa bar pa ni nges don yin te/ langkar gshegs pa las/ blo gros chen po rang bzhin gyis ma skyes pa la dgongs nas ngas chos thams cad skye ba med par gsungs so/ /zhes so/ /de ltar na gnyis ka yang legs par bshad par 'gyur ro/ /de yang 'khor lo gsum rim gyis