[A:77]bzhin du byas pas rab bzangs bsnyen par rdzogs nas 'di skad ces/ dge slong dag na re/ bde sdug thams cad las yin te tshul khrims kyis mya ngan las 'das pa 'thob bo zhe na de ltar nges sam/ bka' stsal pa/ thams cad sngon gyi las ma yin te rgyal po bsad pas nor thob pa'am rgyal po'i bu bsad rang nyams pa la sogs pa rkyen gyis yin no/ /las zad pas zad par mi 'gyur te/ lam bsgoms pas zad par 'gyur ro/ /de'i phyir sngar sems gdul lo/ /zhes sogs dang / stong nyid gsungs pas dgra bcom pa thob nas mi 'da' bar zhus pas ma gnang ngo / /de'i tshe kun dga' bo nga mya ngan las 'das nas khyod kyis dam pa'i chos zungs shig ces gdams te/ 'khor rnams la sku'i dkyil 'khor bstan nas spros pa dang bral ba'i chos gsungs so/ /de nas kun dga' bos ston pa gshegs na/ bdag cag gi ston pa ni su/ gnas ni gang / drug sde ni ji ltar 'dul/ chos ni ji ltar bsdu zhes zhus pa dang / sangs rgyas kyis/ khyod kyi ston pa ni tshul khrims dang / gnas dran pa nyer bzhag la gyis/ drug sde bslab pa 'cha' ba'i yan lag tu sprul pa yin pas gdul mi dgos/ lha sbyin yang thub pa'i che ba 'byin thabs yin/ chos bsdu ba ni gleng slong dris lan dang / mtshams sbyor gyi tshig la sogs pa chug la bsdus shig ces gsungs so/ /de ltar 'khor lo gsum gyis kun shes kauNDi Nya nas kun tu rgyu rab bzangs la thug gi bar la gdul bya rigs can gsum rgyu'i theg pa lam gsum gyis 'bras bu byang chub la bkod de/ de'i skal ba med pa rnams mngon mtho'i bde ba la bkod cing / de'i skal ba med pa yang long bas gzugs mthong ba sogs/ mthong chos kyi bde ba