[A:28]ni A ga ma zhes pa yid ches pa mi bslu ba'i don gyis na lung ste/ rnam 'grel las| lung ni yid ches tshig yin te/ /nyes pa spangs phyir brdzun gyi tshig /smra bar mi 'gyur rgyu med phyir/ /nyes zad lung du shes par bya/ /zhes so/ ! / gnyis pa
rgyu'i khyad par ni
chos kyi rgyu mthun pa'i rgyu las byung zhing byed pa'i khyad par
lam gyi dmigs pa gsal po ston par byed thabs kyis gzhan gyi rgyud la rtogs pa khyad par can skye bar byed pa'i rang gi ngo bo'i khyad par
ming tshig yi ge'i tshogs kyis bsdus pa mtha' dag
zhes pa'am/ yang na rtogs par byed pa'i thabs ston pa'i ming tshig yi ge'i phreng ba zhes
'chad de legs so/ ! /gsum pa ni grub mtha'i dbang gis tha dad du 'gyur te/ mdzod las/ chos kyi phung po brgyad khri dag /gang rnams thub pas gsungs de dag /tshig gam ming yin de dag kyang / /gzu gas dang 'du byed dag tu 'dus/ /zhes pas bye brag smra bas ming sgra spyi gzugs sems byung ba gsum las tha dad pa'i mi ldan pa'i 'du byed du 'dus par 'dod la| mdo sde pas sgra rang gi mtshan nyid phung po lnga las gzugs kyi phung por 'dus par 'dod cing / sems tsam pas lung chos kyi mtshan gzhi chos lnga ldan te| ngo bo rnam rig sna tshogs dang / rnam par sbyar ba rkyang pa'i sgra sna tshogs dang / rgyud nyan pa po'i rgyud kyis bsdus pa dang / byed pa mngon par 'dod pa'i don khyad par can la brda sprod par byed pa yin la/ rnam rig gi tshogs brgyad las kun gzhi dang nyon yid dang / sgo lnga'i rnam par shes pa ma yin gyi drug pa yid kyi rnam par shes pa de la yang rtog bcas rtog med gnyis las sgra spyi 'dzin pa'i rtog pa'o zhes 'dod do/ /'on kyang dngos po dang zhen pa'i brjod bya rjod byed