[A:91]
'gyur bas
dge ba/ bar du bsam na dga' ba'i rgyur 'gyur bas
dge ba/ mtha' mar bsgom na nyon mongs pa sel ba'i rgyur 'gyur bas
dge ba/ don tha ma bden pa bzhi ston pa
bzang po/ tshig 'bru bzung sla bas
bzang po/ yongs su rdzogs pa/ yongs su dag pa/ yongs su byang ba/ tshangs pa spyod pa zhes so/ /mdor na don dang byed pa 'bras bu gsum dang ldan pas te/ rgyud bla ma las/ gang zhig don ldan chos dang nyer 'brel zhing / khams mu stegs byed pa bkon bu tshal bas/༷ rang bzhin gyi dag pas yongs su mngon du byed dus
gsum nyon mongs kun nas spong byed gsung / zhi ba'i phan yon ston par mdzad pa gang / /de ni drang srong gsung yin bzlog pa gzhan/ /zhes so/ / yang na brjod bya bslab pa gsum ston pa dang / rjod byed ngag tshig gi dri ma med pa dang / sgrub byed tshad ma gsum dang ldan pa dang / 'bras bu phan pa gsum byed pa'i chos bzhi ldan te/ bslab pa gsum ston ngag tshig dri ma med/ /tshad ma gsum ldan thog mtha' bar dge ba/ /'di ni chen po'i bstan par rgyal bas gsungs| |bzlog pa gzhan gyi gzhung dang gzhung gzhan yin/ /zhes so/ / mtshan nyid ni ngag gang zhig dngos kyi bdag rkyen sangs rgyas las byung ba ste/ ngag ces pas dngos med dang / shes pa dang / bdag rkyen sangs rgyas las byung zhes pas mu stegs kyi gzhung dang dngos kyi zhes pas bstan bcos rnams bcad/ dbye na drug ste/ dus dang / gdul bya/ brjod bya/ brjod tshul/ gnyen po dang / bdag rkyen gyi sgo nas dbye ba'o/ /dang po dus ni bka' 'khor lo gsum ste gong du bshad zin to/ /gnyis pa gdul bya'i 'khor gyis dbye na dbang po rnon po la gsang sngags dang / brtul po la mtshan nyid kyi theg pa gnyis te/ rgyud thun mong