[A:90]lnga brgya/ so so'i skye bo'i paNDi ta lnga brgya ste stong lnga brgya 'dus pas chos thams cad dag par mdzad do/ /de'i tshe so so'i skye bo gzungs ma thob pa dag bka' lhag chad du 'don pa mthong ba dang / thub pa'i gsung mi nyams par bya ba'i phyir gleg bam la yi ger bkod de/ nye ba 'khor gyis bcom ldan 'das 'dul ba yi ger mi bri 'dul ba dang 'dra ba yi ger mi 'bri zhes gsungs na/ ma 'ongs pa'i sems can dag dran pa nyams par gyur na ji ltar bgyi zhes zhus pas/ bcom ldan 'das kyis nye bar 'khor/ dran pa nyams na lo ma la yi ge bris te bcang bar bya'o/ /zhes bya ba'i dus su gyur to/ /theg pa chen po'i skad du ni rgyal po'i khab kyi lho phyogs bi ma la samba ba zhes bya bar byang chub sems dpa' 'bum phrag bcu 'dus te/ 'jam dpal gyis mdo sde dang / phyag na rdo rjes mngon pa dang | mgon po byams pas 'dul ba bsdus so/ /zhes grags so/ /de yang phyag na rdo rje dbang bskur ba'i rgyud/ gsang ba bsam gyis mi khyab pa'i mdo las/ sdud pa po phyag na rdo rje dang / mdo nyi ma'i snying po dang / lung phran tshegs las/ sdud pa po kun dga' bo gsungs pa ni mi 'gal te/ bsil ba tshal gyi mdo las| mang du thos pa gsang sngags 'chang / /kun dga' bo la phyag 'tshal lo/ / zhes so// //
!gnyis pa bka'i rang bzhin la gsum ste/ sgra bshad dang / mtshan nyid dang | dbye ba'o/ /dang po ni bka' zhes pa sangs rgyas kyi gsung yin la/ de ngag gi gsung rnams kyi nang na mchog gam rab tu gyur pas na gsung rab ste de'i khyad par gyi chos ni/ chos rjes su dran pa las/ thog mar
thos na dad pa'i rgyur