[A:102] thams cad mkhyen pa nyid thob par nus pa'i phyir ro// //
! gnyis pa ni rkyen ma 'tshogs te chos dka' ba dang blo zhan pas so snyam na ma yin te/ shes bya dang bsten par bya ba thams cad goms nas sla ba yin te/ spyod 'jug las/ goms nas sla bar mi 'gyur ba'i/ /dngos de gang yang yod ma yin/ /zhes so/ /blo dang yon tan thams cad sbyangs pa las gong nas gong du khyad par du 'gyur te/ rnam nges las/ goms las khyad par 'gyur pa'i phyir/ /zhes so/ /
sngan
gyi skyes bu khyad par can rnams kyang bdag cag lta bu las mkhas par gyur pa yin te/ legs bshad rin po che'i gter las/ rang la dgos pa'i bstan bcos rnams/ /nyi ma re la tshig re bzung / /grog mkhar dang ni sbrang rtsi ltar/ /myur du thams cad mkhyen par 'gro/ /zhes so/ /gsum pa ni lang tsho yol te sgrub pa'i nus pa med pas so snyam na ma yin te/ khyim bdag dpal skyes kyi rnam par thar pa las zhan pa rnams kyis yun ring po'i don yang brtson 'grus dang ldan pa tsam gyis 'grub pa'i phyir dang / bzhi brgya pa las/ de nyid goms pas skye ba 'dir/ /gal te grub par ma gyur kyang / /skye ba gzhan du 'bad med par/ /nges par 'grub 'gyur las bzhin no/ /zhes so/ /rin po che'i gter las/ rig pa nangs par 'chi yang slobs/ /tshe 'dir mkhas par ma gyur kyang / /skye ba phyi mar bcol ba yi/ /nor la rang nyid len dang 'dra/ /zhes pas 'dir ma grub kyang / tshe rabs gzhan du bde blag tu 'grub pa'i phyir ro/ / de lta bas na ci'i phyir mi 'jug ces bya'o/ ! /gsum pa 'jug kyang mi brtson pa ni| gal te chos ni de ltar bzang zhing bsgrub par nus kyang / me chu ltar rnyed