[A:107]dad pas mi zlos shing 'gal ba dang ma 'brel ba med do/ /zhes rang gi bsams pa gsal por ston pa'i lan gtab pa dang / lung rigs kyi shes byed dgod pa'o| |yang na 'chad pa'i man ngag rnam bshad rig pa las/ dgos pa bsdus pa'i don bcas dang / /tshig don bcas dang mtshams sbyor dang / /brgal lan bcas te bsnyad par bya/ /zhes pas don lngar yang blta'o/ /bzhi pa bshad pa la 'jug pa'i tshul la bzhi ste/ gdul bya'i dbang gis bsdus 'bring rgyas par bshad pa dang / dgos pa'i dbang gis mtshan nyid gtan la dbab bya'am bsgrub pa nyams len du bshad pa dang / 'brel ba'i dbang gis dgag bsgrub nyes spong du bshad pa dang / 'jug pa'i dbang gis sbyor dngos rjes gsum du bshad pa'o// //
! dang po ni ston pas rgyas 'bring bsdus gsum gsungs pa lta bu ste/ rgyan las/ bstan dang rnam 'byed the tshom gcod/ /lan mang byed dang ldan pa ni// mgo smos rnam spros go rnams la/ /zhes so/ /gnyis pa ni bstan bcos kha cig las gnyis ka 'byung la kha cig las gang rung re 'byung ngo // //
! gsum pa ni gzu bo'i blos dpyad nas gzhan gyis nyes bshad dgag pa dang / rang gi bshad pa dgod pa dang / de la gzhan gyis rtsod pa spang ba'o/ / mdo las/ dge slong dag gam mkhas rnams kyis/ /bsregs bcad brdar ba'i gser bzhin du/ /yongs su brtags la nga yi bka'/ /blang bar bya yi gus phyir min| |zhes pa dang / rgyud bla ma las/ gang zhig rgyal las ches mkhas 'ga' zhig 'jig rten 'di na yod min te/ /ma lus de nyid mchog ni kun mkhyen gyis