[A:108]mkhyen gzhan min pa/ /de phyir drang srong rang nyid kyis bzhag mdo sde gang zhig de mi dkrug /thub tshul gzhig phyir de ni dam chos la yang gnod pa byed par 'gyur| |zhes so/ /bzhi pa la gsum las/ sbyor ba nam mkha' mdzod kyi mdo las| dul ba dang ni zhi ba dang / /grol bas grong du zhugs nas kyang / /sems can gang dag chos 'tshol ba/ /de la bdag cag chos ston to/ /zhes gdul bya dad pa'i phyir/ lus ngag gi spyod lam zhi zhing dul bar bya ba dang / bshad pa mthar phyin par bya ba'i phyir dkon mchog mchod cing gzungs sngags byin rlabs can gdon pa dang /
lo tsA ba gtsug tor dri med 'don skad/
mthar thug byang chub thob par bya ba'i phyir byang chub tu sems bskyed de/ sgo gsum rgyal ba'i sku gsung thugs su byin gyis brlabs nas chos kyi rgyal po bdag seng ge'i khri la bzhugs pa'i nga rgyal bya ste/ mnyen pa dang 'jam pa dang snyan pa dang / yid du 'ong ba la sogs pa gsung yan lag drug cus gdul bya dang 'tshams pa'i chos sna tshogs 'byung bar bsam mo/ /dngos gzhi pha rol tu phyin pa drug ldan du bya ba ste| dpe mkhyud med par ston pa dang / sgo gsum gyi nyes spyod sdom pa dang / dka' spyad bzod pa dang / chos 'chad pa la spro ba dang / sems ma yengs pa dang | tshig don la dpyod cing 'chad pa'o/ /rjes nongs pa bzod par gsol ba dang | dge ba bsngo ba dang / stong pa'i rgyas gdab pa'o// //
! gnyis pa mnyan pa'i tshul gsum ste/ nyan pa po'i khyad par dang / gang gis mnyan thabs kyi yan lag dang / ji ltar mnyan pa'i tshul lo/ /dang po ni bzhi rgya pa las/ gzur gnas blo ldan don gnyer ba/ /nyan po snod ces bya