[A:109]bar brjod/ /ces pas rtogs par nus pa'i blo gros dang / ci nas shes par bya dgos snyam pa'i don du gnyer ba'i 'dun pa dang / chos ston pa la nga rgyal lam g.yo sgyu med pa'i gus pa dang / chos nas ji ltar byung ba bzhin du bya dgos snyam ste bsgrub par 'dod pa'i dad pa dang ldan pa bzhi nges par dgos te/ gzhan du na nyan pa'i bsod nams tsam 'byung gi shes pa dang byed pa mi 'byung bas so// gnyis pa nyan thabs la gsum ste/ chos dang ston pa la gus par bya ba dang / gus par byas nas chos ji ltar nyan pa dang / nyan nas thos pa chud mi za bar bya ba'o//dang po ni lus dang srog la mi blta bar chos 'tshol ba rtag tu ngu lta bu dang / thos pas chog mi shes pa tshong dpon gyi bu nor bzang lta bu dang / bla ma gus pa byed pa khye'u dpal 'byung gi bsten pa'i tshul lta bu'i bsam pa phun sum tshogs pa dang / tha ma zang zing gi bsnyen bkur dang / 'bring lus ngag gi rim gro dang / rab sgrub par byed pa ste sbyor ba phun sum tshogs pa'i sgo nas so//
! gnyis pa ston pa la sangs rgyas kyi 'du shes bzhag ste des gsungs pa'i chos de shes par byas la de bdag nyid bsgrub cing / gzhan la bstan snyam pa'i bsam pas nyan pa'am/ yang na mdo phal po che las/ chos smra ba la sman pa dang | chos la sman dang / rang la nad pa dang / nyams su len pa la nad 'tsho ba'i 'du shes bzhis nyan par gsungs so/ /gsum pa ni/ bla ma bzhugs sar phyin te mthun rkyen bsgrub pa sbyor ba thos pa'i rkyen bstan pa dang / dngos gzhi kun shes pa'i bsam pa dang rna gtad de dang yid btad de dang / slar bkug ste nyan pa dang / rjes lta ba dang / sems sgom pa la saugs pa nan tan phun sum