[A:111]bas| |tshig bzhi tshigs su bcad pa gcig brjod pa'i/ /chos kyi sbyin pa rab mchog khyad par 'phags/ /zhes pas zang zing gi sbyin pa bas mchog tu gyur pa dang | phan 'dogs byed par 'dod pa dang / gang gis gang gA'i bye snyed sangs rgyas zhing / /rin chen bdun gyis yongs su bkang byas nas/ /ston pa rnams la mchod pa byas pa bas/ /'gro la chos ston mchod pa khyad par 'phags//zhes pas ston pa la mchod pa bla na med par 'gyur ro/ /gsum pa/ sdud pa las/ byang chub sems dpa' gang zhig shes rab mchog bsgoms te// de las langs nas gos pa med pa'i chos brjod cing / de yang 'gro ba'i don du byang chub rgyur bsngo na/ /dge ba de dang mnyam pa 'jig rten gsum na med// ces pa la sogs pa gsungs mod kyi mdor bsdus na gsum ste/ skyes bu byed pa'i 'bras bu gzhan gyis ma rtogs pa rtogs par byed pa dang / rang gis rtogs pa sbyong ba dang | thun mong du bstan pa gnas par byed pa dang / rnam par smin pa'i 'bras bu rtag tu skye ba dran zhing chos kyi bsgom pa'i tshul shes/ myong ba rgyu mthun gyi 'bras bu gzhan la chos ston pa'i bshes gnyen dang / mthar gyis chos kyi rgyal po nyid du 'gyur ba'o/ /gnyis pa nyan pa'i 'bras bu ni mdo las/ ma thos pa las shes mi 'gyur/ /zhes pa dang / thos nyung dmus long bsgom pa'i tshul mi shes| |zhes pa dang / phal po che'i mdo las/ thos pas chos rnams shes par byed| |thos pas sdig las ldog par byed/ /thos pas don ma yin pa spong // thos pas shes rab 'phel bar byed/ /shes rab kyis ni don rnam sbyong / /don mthong de ni bde thob 'gyur/ /bde thob de ni yid rno ste/ /tshe 'di nyid la mya ngan