[A:335]sa'o/ /tha= dbang thob pas skye ba gcig gis thogs pa ste 'di dag ni byang chub sems dpa' rnams kyi thog mar yang dge /bar= tha mar yang dge ba'o/ /zhes dkon mchog gi za ma tog gi mdo las gsungs so/ /de lta bu'i gsung
ganggA'i chu rgyun las
rab ni lha klu mi dang dri za la sogs ris med pa'i 'gro ba rnams kyi khams dang bsam pa dang bag la nyal ba la brten nas dbang por 'tsham pa'i drang nges kyi chos so so'i skad dang mthun par stsal ba'i tshad ni nam mkha'i pha mtha' bzhin rtogs par dka' bas nyan rang gi/ slob mi slob kyi 'phags pa rnams dang srid pa rgyun gyi mtha' ma'i byang chub sems dpa' rnams kyis kyang 'di tsam mo zhes gzung bar mi nus na so so skye bo rnams kyi yul lta ga la zhig /'on te rgya mtsho las chu thigs tsam zhig yul dbus 'gyur 'chang sogs su 'phags pa dgra bcom pa rnams kyi bka' bsdu ba rim pa gsum dang 'dzam gling mdzes par byed pa'i rgyan drug mchog gnyis/ mngon par rtogs pa'i sa lam mthon por gshegs pa'i grub chen brgyad cu rtsa bzhi sogs skyes chen du mas 'thor ba sdud pa dang 'chad nyan gyis gtan la phab ste thos bsam sgom pa'i chu bo gcig tu 'khyil ba'i ma dros pa'i mtsho chen po las byang phyogs gangs ri'i ra bas bskor ba'i sman ljongs 'dir mdo rgyud chu klung nye bar babs pa'i thog ma pho brang yum bu gla sgang gi yang thog tu dpal kun tu bzang po'i rnam par 'phrul pa lha tho tho ri bzhugs pa'i phyag tu nyi zer dang lhan cig par gser shog la baiDUryas bris pa'i spang skong phyag brgya pa mdo sde za ma tog babs pas bstan pa'i dbu brnyes/ lag na padma mi'i gzugs can srong btsan sgam po'i dus 'jam pa'i dbyangs kyi sprul pa thu mi sambho Tas rin po che tog gi gzungs/ sher phyin 'bum pa/ thugs rje chen po'i mdo rgyud nyi shu rtsa gcig bsgyur ba sogs