[A:336]bstan pa'i srol btod/ 'jam dpal rdo rje'i sprul pa rje khri srong lde btsan gyi sku ring la mkhan slob gnyis dang bai ro tsa na sogs lo paN mang po dbu'i bla mchod du bkur te theg pa che chung gi bka' dgongs 'grel mtha' klas pa bsgyur nas bstan pa dar rgyas su mdzad/ sad na legs 'jing yon gyi dus bande dpal brtsegs/ chos kyi snying po/ de wandhe dpal gyi lhun po sogs kyis phang thang ka med kyi gtsug lag khang na bzhugs pa'i gsung rab rnams la shlau ka grangs them byang bkod par dkar chag phang thang ma zhes bka' 'gyur phyogs gcig tu bsgrigs pa'i thog ma yin zhing / de rjes ban de dpal brtsegs dang 'khon klu'i dbang po srungs sogs kyis stong thang ldan dkar na bzhugs pa'i gsung rab rnams bsgrigs nas dkar chag ldan dkar ma mdzad/ sngon lha sras yab mes kyi ring la lo paN rnams kyis chos skad bod la ma grags pa las ming du btags pa mang dag cig mchis pa'i nang nas 'ga' zhig chos kyi gzhung dang byA ka ra Na'i lugs dang mi mthun pa rnams btsan po khri lde srong btsan/ 'on ljang rdo na bzhugs pa'i dus nyi 'og gi mkhan po A tsarya dzi na mi tra/ su rendra bo dhi/ shI lendra bo dhi/ dA na shI la| bo dhi mi tra dang / bod kyi mkhan po ratna rakShi ta/ dharma tA shI la/ lo tsA ba dznyA na se na dza ya rakShi ta/ manydzu shrI warma/ na lenda ratnendra shaM la sogs lo paN rnams la rgyal pos dpyad pa gyis shig par bka' gnang ste 'gyur rnying mi bcos su mi rung ba rnams kyang bcos skad kyi ming gces so 'tshal gyis kyang bsnan nas theg pa che chung gi gzhung las ji ltar 'byung ba dang gzhan pa'i mkhan po chen po nA gArdzu na dang ba su bandhu sogs kyis ji ltar bshad pa dang byA ka ra Na'i lugs dang yang bstun te 'jal dka' ba rnams kyang tshig so sor phral nas gtan tshigs kyis bshad de gzhung du bris/ skad rkyang pa bshad