[A:337]mi 'tshal ba sgra ji bzhin du bsgyur bar rigs pa rnams kyang sgra btsan par bgyis te ming du btags/ skad kha cig don bzhin du gdags par rigs pa rnams kyang don btsan par bgyis te ming du btags nas lo paN rnams kyis rje blon gdan 'dzom pa la zhus nas skad gsar bcad che 'bring chung gsum gyis gtan la legs par phab/ sngar ma 'gyur ba mang po gsar du bsgyur/ bstan pa phyi dar la paNDi ta smr-i ti dznyA na kIrti/ jo bo chen po mar me mdzad/ kha che paN chen bsod snyoms pa shAkya shrI sogs 'phags yul gyi paNDi ta du ma dang / lo chen rin bzang dang 'brog mi sogs 'jig rten gyi mig gcig pu mang du byon te mdo rgyud kyi bka' bstan bcos mtha' klas pa bsgyur zhing / bcom ldan ral gri'i slob ma 'jam dgag pa shis rgya nag nas bka' 'gyur ro cog bzhengs pa'i cha rkyen du dngos po mang du bskur ba la brten nas 'dul ba lung gi ma dpe sngon mchims nam mkha' grags kyis bzhengs pa dang / mdo sde'i skor chos kyi rgyal po 'phags pa rin po che'i thugs dam lha mi'i rgyan mchog /gtsang chu mig ring mo'i mdo mangs 'dar phyar bas/ gru spangs rtsa'i thugs dam 'dzam gling rgyan/ zha lu gser khang gi mdo mang mchims kyi thugs dam gser gzhung ma/ phyugs rgyal ma/ dgon gsar ma le tshan/ spun gsum gtsug lag khang na bzhugs pa'i mdo mang sogs gung bsgrigs/ sher phyogs rgyud 'bum dang bcas pa dbus pa blo gsal/ sangs rgyas 'bum/ lo tsA ba bsod nams 'od zer/ rgyang ro byang chub 'bum sogs mkhas pa mang pos sgo bstun te go rim 'khrul pa med par dpal snar thang gi gtsug lag khang du bzhengs/ mkhas pa chen po bcom ldan ral gris dkar chag nyi ma'i 'od zer mdzad/ ma phyi de nyid las tshal pa si tu dge ba'i blo gros kyis skyid shod tshal gung