[A:338]thang gi gtsug lag khang du bzhengs pas tshal pa bka' 'gyur zhes grags che/ bka' 'gyur sngon ma rnams kyi rgyud 'bum du gsang 'dus gnyis med rnam rgyal rgya pho ba lung pas brtsams pa sogs rgyud brdzus ma kha yar dang / mdo mang nas kyang dogs pa'i gnas su gyur pa rnams phyir dbyung / gsang sngags snga 'gyur gyi rgyud rnams slar zhus dag cig mdzad bzhed kyis re zhig btang snyoms su bzhag ste shin tu kha gtsang ba snyigs dus kyi thams cad mkhyen pa bu ston rin po ches dkar chag tu btab nas zha lu gser khang gi gtsug lag khang du bzhugs/ de nas rim gyis mched pa rnams la them spangs mar grags pa/ dam pa rnams kyi bstan pa la bya ba legs par mdzad pa'i phyag gi ri mo lus can bsod nams kyi me long du shar ba'i bod dang bod chen po'i rgyal khams su bka' 'gyur ro cog gi glegs bam mang por 'phel la/ de'ang sher phyin dang mdo sde rin po che du ma las/ dam pa'i chos kyi tshul chos 'di nyid gzung bar bya/ bcang bar bya/ lung dbog par bya/ lung nod par bya/ kha ton du bya/ kun chub par bya zhes lan grangs mang por rgya cher bka' stsal pa ltar ri mor 'bri ba las kyang thos bsam sgom gsum du bya ba ni bsngags shing / de la dgongs nas sngon byon dam pa du mas 'bad pa chen pos nye bar btsal ba'i lung gi rgyun rgyud skor tsam ma gtogs rim gyis je phrar gyur pa'i tshe mthu stobs kyi dbang phyug kun mkhyen rdo rje gdan pa kun dga' rnam rgyal dpal bzang pos rin po che bka' 'gyur ba
shAkya rgyal mtshan
la gsan nas 'bum rab 'byams pa khu dbon sogs la gnang ba'i rgyun bzang po las mdo mang sher phyogs gzhan du cher ma 'phel ba'i tshe lho brag sprul sku chos rgyal don grub/ zhwa dmar dkon mchog yan lag /rgyal tshab grags pa don grub gsum thugs sgam zhing