[A:309]par nges pa'i dgongs pa thugs rgyud la 'khrungs so//
e ma rgyal ba gnyis pa yi//
gtsug tor rgyal mtshan mthon po la//
zhabs rdul pad phreng ngal bso ba'i//
zhabs de rgyal ba nyid kyi yin//
yang na khyod kyi spyi gtsug gi//
bdud rtsi'i chu gter mdzes byed pa'i//
yid 'ong padma'i phreng ba de//
thub pa'i zhabs skyes las gzhan su//
de nas bdag nyid chen po 'dis mkhas grub dam pa de nyid la spyir bde bar gshegs pa'i gsung rab mtha' yas dang/ khyad par du yum shes rab kyi pha rol tu phyin pa rgyas 'bring bsdus pa drug/ dgongs 'grel gyi bstan bcos du ma dang bcas pa dang/ tshad ma'i mdo kun las btus pa dang/ 'grel pa 'grel bshad dang bcas pa rgyas pa'i bstan bcos tshad ma rnam 'grel 'grel bshad dang bcas pa/ gtan tshigs thigs pa dang/ rtsod rigs rnams rje btsun 'jam pa'i dbyangs kyi ngo bo sa skya paNDita nas legs par brgyud pa'i bshad srol rnams gsan cing/ tshad ma rigs pa'i gter 'grel pa dang bcas pa legs par gsan nas don de nyid la gzhan gyis dbrog par mi nus pa'i spobs pa brtan po brnyes par gyur to//
dus der gdan sa chen po sa skyar phebs nas/ rin po che pa'i slob ma mkhas par grags pa thams cad kyis kyang bdag nyid chen po'i zhabs rdul spyi bor blangs te/ rgyal tshab dam par mnga' gsol ba yin no//
skabs de nyid du bzhi thog pa kun dga' rin chen ta dben blo gros rgyal mtshan dpal bzang po// bdag chen grags pa blo gros rnams kyi drung du/ rje btsun gong ma lnga'i gsung rab man ngag dang bcas pa ma lus par gsan cing/ skabs gzhan zhig tu/ theg chen chos kyi rgyal po'i drung du/ rtsa ba'i rgyud