[A:310]brtag pa gnyis pa/ gsung ngag rin po che lam 'bras bu dang bcas pa gsan/ chos kyi rje bla ma dam pa'i sras kyi thu bo yar lung pa seng ge rgyal mtshan gyi drung du/ rgyud gsum gyi bshad pa rgyas par gsan/ yang gangs can gyi mkhas pa chen po lo tstsha ba skyabs mchog dpal bzang po dang/ lo chen grags pa rgya mtshan pa gnyis kyi drung du/ rigs pa'i gnas du ma dang/ mdo sngags kyi gsung rab mang po la sgro 'dogs legs par bcad/ kun mkhyen sher 'od kyi drung du/ lung dang gdams pa khyad par can mang du gsan/ snyan ngags pa chen po 'jam dbyangs kha che'i drung du/ tshig rgyan gyi bstan bcos me long 'grel pa dang bcas pa dang/ mngon brjod dang sdeb sbyor gyi bstan bcos rnams gsan/ rgya gar shar phyogs kyi paN chen nags kyi rin chen gyi drung du/ sgra'i bstan bcos ka lA pa dang/ byings dang nyer bsgyur gyi mdo rnams gsan/ gzhan yang bcom ldan 'das 'khor lo sdom pa la sogs pa'i zab pa dang rgya che ba'i chos mang du gsan no//
karma pa dkon mchog gzhon nu'i drung du/ rje btsun byams pa'i chos lnga la sogs pa mang du gsan no//
tshal min pa bsod nams bzang po'i drung du/ bcom ldan 'das dus kyi 'khor lo'i rgyud 'grel sbyor ba yan lag drug pa dang bcas pa gsan no//
thang po che pa nyi ma rgyal mtshan gyi drung du/ gsang ba 'dus pa'i rgyud 'grel chen sgron gsal dang bcas pa/ yo ga de nyid bsdus pa dang/ rdo rje 'byung ba sogs kyi bshad pa rgyas par gsan cing/ gzhan yang rdo rje phreng ba la sogs pa'i dbang bka' bsam gyis mi khyab par gsan no//
chos lung tshogs pa'i mkhan chen rin rgyal ba dang/ dge 'dun rgang pa'i mkhan po dgra