[A:330]phyogs ma de mdzes par mthong nas/ de la 'byon par brtsams pas gcig na re/ khri de la mkhan chen sangs rgyas dpal slob dpon gsum 'ongs/ khyed rang dpon slob gsum g.yon ma de la bzhugs/ zhes zer ro// mnal sad pa dang kho bo gsung rab kyi tshig don dang/ lta ba'i go ba bzang bar rlom pa yin kyang/ khong pa dngos lhag par 'dug go zhes rjes su yi rang bar mdzad cing/ tshogs kyi dbus su de skad ces yang yang gsungs par grags so//
yang bdag nyid chen po 'di la sngon gyi dus su rngog lo chen po'i chos khri la bzhugs nas chos gsungs pa dang/ yang dus 'ga' zhig gi tshe sa skya paNDi ta'i chos khri la bzhugs nas chos gsungs pa'i mnal lam byung/ de'i don gyis rang re'i nA lentra'i chos khri la sa rngog gnyis kyi sku 'dra bzhengs na chos 'phel ba'i rten 'brel yod do zhes gsungs pa yang thos so//
de dag la 'di skad ces/
'khrul snang 'khrul pa'i gnyid las rab grol ba'i//
rmi lam rmi ba'i mtshan ma la brten nas//
dge mtshan dge ba'i blo la rab 'char ba'i//
smra mkhas smra ba'i dbang po de 'khrungs so//
Journeys to gTsang province
1st journey
de nas nyi ma gtsang gi phyogs su lan gsum phebs pa las/ lan dang po ni/ mkhan chen rin po che nyid 'chad nyan mdzad pa'i phyi bzhin du 'brangs/ slob ma blo gsal ba rnams la zur chos pa mdzad cing/ de'i tshe gdan sa chen po sa skya dang/ bo dong e dang/ bzang ldan dang/ ngam ring dang/ snar thang dang/ gnas rnying la sogs pa'i grwa sa chen po rnams su grwa skor la byon te/ lan 'debs pa po rnams rtsod pas zil gyis mnon pas rtsod pa'i khyu mchog tu grags shing/ de'i tshe rong ston smra ba'i seng ge zhes pa'i mtshan gsol ba thob cing/ mkhan chen pa'i slob ma thams cad kyis chos gsan no//