[A:307]bsnyen par rdzogs pa'i mkhan po mdzad/ dmar ston thams cad mkhyen pas las kyi slob dpon mdzad/ 'dul ba 'dzin pa chen po yon tan 'od bzangs pas gsang ste ston pa mdzad/ gzhan yang dad pa'i dge 'dun bcu'i dbus su bsnyen par rdzogs pa mdzad cing/ tshigs snga ma rnams kyang gnas dang dus de nyid du rdzogs par mdzad do//
mtshan shAkya rgyal mtshan dpal bzang po bya bar gsol lo//
de dag la 'di skad ces/
brtse chen khyed kyis byang sems kyi//
sdom pa thog mar legs mnos nas//
de nas legs gsungs 'dul ba la//
zhugs shing rdzogs la phyag 'tshal lo//
1.2.3
dge ba'i bshes gnyen ji ltar bsten pa'i tshul/
gsum pa dge ba'i bshes gnyen ji ltar bsten pa'i tshul ni/ 'di skad ces/
khyed kyis mkhas shing grub pa yi//
dge ba'i bshes la bsnyen byas nas//
rig pa'i gnas rnams ma lus pa//
mngon sum mdzad la phyag 'tshal lo//
ces bya ba 'di la de yang/ bdag nyid chen po 'di thog mar gling stod gdan sa ba mkhas btsun rin chen rnam rgyal la byang chub sems dpa'i sa dang/ rngog lo nas brgyud pa'i rgyal sras 'jug ngogs la sogs pa rgya chen spyod pa'i phyogs kyi chos mang du gsan/ rkong ston blo gros dbang phyug pa'i drung du/ rngog lo brgyud pa'i phar tshad bsdus gsum la mkhas par sbyangs shing/ dbu ma rang rgyud kyi bshad srol rngog lo nas brgyud pa mang du gsan/ skyor mo lung gi mkhen dka' bzhi pa'i drung du/ 'dul ba lung bde bzhi/ so sor thar pa gnyis dang bcas pa mdo rtsa ba rgya cher 'grel dang bcas pa bya 'dul ba 'dzin pa chen po'i bshad srol bzhin du gsan cing/ 'phan yul gro sa'i mkhas pa chen po dmar ston gyi drung du/ 'dul ba'i mdo lung dang bcas pa'i bshad pa thag ma ka chen gyi bshad srol bzhin du gsan cing