[A:65]'ong zhing rin gzhal dka' ba dag kyang rdos phangs pa med par cham chos du brdungs nas spos dud sbyangs te dad pa'i mig chu'i yon chab kyis bzhin ras kyi me tog brgyan par byas nas 'dus pa'i tshogs de dag la gus par bstabs so//
der yongs pa'i dge ba'i las can de dag slar rang yul du lam gyi 'jigs pa gang gis kyang ma reg par son par gyur tshe/ dngos gnas kyi tshul de dag rgya cher sgrog cing/ lhag par snyan ngag gi tshig 'bru gsar pa'i yi ge dag/ glo bo sde pa tshangs chen bkra shis mgon po'i spyan lam du phebs pas dges pa rab dang mchog gi rtser byon zhes grags shing/ de dus kyi snyan ngag gi tshig sdebs legs su bsgrigs pa'i cha tsam zhig brjod na/
'dzam bu'i sgra yis mtshon pa yi//
zhing 'di mdzes pa'i rgyan drug dang//
spyod pa'i brtul zhugs grub pa yis//
'phags yul bdud rtsi'i lam chen gtod//
ces rgya gar du dam pa'i chos rgyas shing dar tshul/
rmongs pa'i khang bur yun ring du//
mi shes nad kyis gzir ba yi//
gangs khrod mun pa'i snag rum 'dir//
lo paN chos kyi nyi mas bskyangs//
zhes bod yul du sangs rgyas kyi bstan pa rin po che 'phel tshul/
smon lam grub pa'i rgyal sras ni//
padmo can dang 'jam dbyangs dang//
kun gyi yab gyur kun bzang gis//
'gro 'di'i bde skyid yun rings bzung//
zhes chos rgyal mes dbon rnam gsum gyi sku ring la bstan pa snga dar gyi byung tshul/
mda' lnga ldan pa'i snying stobs kyis//
'byung po'i dpung tshogs kun bsdus nas//
dus mthar rgyal ngan glang chen gyis//
rmongs pa'i dug gis nyer gtses mod//
ces glang dar gyis bstan pa bsnubs tshul/
de tshe der yang dge blo can//
sems dpa' snying stobs chen pos ni//
mthu stobs