[A:66]ye shes snang ba yis//
mun pa'i klong chen skad cig bsal//
zhes lha lung dpal gyi rdo rjes glang dar bsgral tshul/
thub pa'i bla ma 'jam pa'i dbyangs//
snyigs ma lnga la brtser dgongs nas//
nyi ma'i gnyen gyi gdung 'dzin pa'i//
ye shes 'od ces bya ba 'khrungs//
lta ngan bon gyi gzhung lugs dang//
sbyor sgrol chos su sgrog pa'i ngag//
skal dman mu stegs gzhogs 'phya ba'i//
spyod pa'i lam ngan dengs par mdzad//
ces bstan pa phyi dar gyi dbu brtsams tshul/
de nas mnga' ris kun da'i gnyen//
lo chen sgrib bral zla ba dang//
byang phyogs pad tshal 'byed pa'i lha//
blo ldan smra ba'i nyi ma bltams//
zhes lo chen rin bzang dang/ rngog blo ldan shes rab byon tshul/
dus der 'chad rtsod rtsom pa dang//
thub bstan rin chen 'dzin pa'i phul//
'jig rten mig gyur lo tsa bas//
kha ba can ljongs yongs su khyab//
ces 'brog/ 'gos/ mar pa lo tsa sogs bstan 'dzin gyi skyes bu dpag med byon tshul/
dus 'dir nges par mi'i dbang po//
tshangs pa bzhin du dge ba dang//
dpal dang 'byor pa phun sum tshogs//
bkra shis dpal gyi mgon po des//
ces sbyin bdag gi nges gnas kyi tshul/
sa stengs 'di na 'gran med cing//
skya rengs bu ltar grags pa'i tog//
srid rtse'i bar du bsgreng mkhas pa'i//
bstan pa'i ring lugs nye bar bzung//
zhes sa skya pa'i bstan pa'i sbyin gnas mchog tu bzhugs tshul/
dpal ldan sa skya'i rig 'dzin dbang//
kun dga'i chos kyi 'khor lo bsgyur//
bla na med pa'i don stsol ba//
'dod dgu'i dpag bsam bzang po rnyed//
ces khyad par de dus rdo rje 'chang spyan drangs pa'i skabs mtshon tshul rnams tshig nyung zhing don mang ba/ sdebs legs pa'i legs par bshad pas thugs mchog