[A:67]tu dges te/ da ni 'di lta bu'i bstan 'dzin gyi skyes bu dam pa 'di/ sa 'dir spyan ci nas 'drongs par byas nas sangs rgyas kyi bstan pa yongs su rdzogs pa'i rgyun/ rgya chen po dar zhing rgyas pa'i bya ba bsgrub pa nyid la nan tan du bgyid do// zhes thugs kyi yul du dgongs nas yang nas yang du gsung byon pa yin/ zhes de dus kyi zhabs 'bring dag cig gi ngag nas gleng ngo//
der gsang phu'i dgun chos grol nas/ 'phrang phu'i dpyid chos ma tshugs bar du grwa thang du phebs nas/ chos rje dge ba rgyal mtshan pa'i drung du tshad ma rigs pa'i gter rang 'grel dang bcas pa 'u yug pa'i rigs mdzod dang sbyar ba'i zab bshad nyid legs par gsan zhing/ der chos rje shes rab zla ba sogs kyis zhus pa'i zla la/ rdo rje 'jigs byed kyi dbang/ rnal 'byor bzhi'i khrid kyang gsan no//
de mtshams 'phrang phur dpyid chos la phebs/ de grol rjes 'phrang phu na tha snyad kyis paN chen rin po che nyid kyi a ner mtshon pa'i 'phrang phu ba'i yum bgres mo zhig bzhugs pa des bslab bya mdzad pa ni/ drung nas khyed la sku tshe ring ba cig pus chog par snang bas/ tshe bsgrub rang la 'bungs mdzod cig/ sku tshe ring na de bar la da lta'i 'gran tshol rang mnyam yo rdzogs nas/ 'gran zla kun bral gyi bstan pa'i bya ba rlabs can rang 'bad med du mdzad rgyu yod pas/ rang re bod 'dra ba'i gdams ngag 'di kun la zungs shig rang mi snang/ na ning shed 'di na mar la/ paNDi ta shA ri'i pu tro bya ba dgung lo brgya tsam lon nges yin zer/ 'phral ni dgung lo lnga bcu nga bgrang tsam 'gro ba'i tshod cig 'dug/ khong kun la 'chi med grub pa bya ba'i gdams pa bzhugs zer na'ang/ de kun ni khams la byas rgya nag rgyal pos spyan drangs song zer/ da lta yang bsam yas na rgya gar gyi paNDi ta nags