[A:92]dbus gong ma dag gis bla ma rnams la dbang gsan dus 'di ltar mdzad pa byung ba'i spyan ltos ltar yin par mngon no//
de ltar dbang rab 'byams kyi gsan pa grub rjes/ ston chag la chos sdings su phebs/ sa pho stag lo vc: 1458dgung lo so gcig bzhes pa'i dus der spyang lung rin po che pa la/ rtsa rgyud brtag gnyis shar rab 'byams pas zhus nas gsan zhing/ dag ljon skor gsum la skyor chos byas shes/ spyang lung dgon pa na gtam du bzhag snang ngo//
'di'i phyi lo sa mo yos lo vc: 1459so gnyis kyi steng du glang thang du/ dus zhabs pa chen po rin chen bkra shis pa'i spyan sngar rdo rje slob dpon gyi las ma lus pa gcig tu sdoms pa'i dbang bskur rdo rje 'phreng ba dang/ kRa ya sa munytsa rjes 'brel gyi dbang bskur bzhi bcu zhe lnga lung gis brgyan pa yang gsan/ der glang thang spyan snga mched kyis rje dus zhabs pa la 'bul ba blos dpag par mi dpogs pa'i rnyed pa'i yon yang dag pa phul te/ slar ru'i dgon pa'i bar du phyags byi 'thems par gnang ba yin skad do//
dbang lung gdams pa'i chu bo stong phrag brgya//
khyod blo'i ma dros thugs mtshor legs babs mod//
khengs pa'i rlabs kyis mi bskyod rab zhi'i glong//
gting mtha' med pa'i chos kyi rgya mtsho nyid//
gsang bdag phyag na badzra 'dzin pa'i rje//
rdo rje slob dpon mchog des dges pa'i 'dzum//
yar ngo'i zla ltar snang ba'i ngang nyid las//
mi zad dbang gi char rgyun bsil bar phab//
kun rtog sprin tshogs phyogs bcur 'thor ba yi//
stong gsal nam mkha'i rang bzhin g.ya' dag pa//
rang rig ye shes 'bar ba'i 'ja' 'od kyi//
ya mtshan dbang gi ye shes e ma ho//
yongs grub gdod ma'i lha khyod bcos min kyang//
gzhan dbang cho ga'i