[A:93]lhan skyes brda sprod pa//
kun brtags bum chu'i khrus kyi zol sbyor can//
mtshan nyid gsum gyi tshul du dbang chog bzhes//
'dus byas dkyil 'khor brtags pa'i rnyog ma ni//
nam yang chos spyan dag pas gzigs min la//
der 'dus yongs kyis ma mthong chos nyid kyi//
'od gsal tshon ris bkra ba khyod kyis gzigs//
bzo sbyar las snang sgyu ma'i cod pan des//
rigs lnga'i dbu rgyan bcings rlom mig 'phrul mkhan//
ltar snang byis pa'i dbang mi'i yid 'dren pa'i//
khrom tshogs 'dus pa'i dbus der khyod kyang bzhugs//
sgyu ma mkhan po sgyu ma'i 'char sgo la//
bcings grol mtshan ma med par gsan pa ltar//
tha snyad dbang gis rdzas kyi rol rtsed kyang//
byis pa'i mig khrid rgan pos rtse ltar dgongs//
zhes paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ dbang bskur rab 'byams rjes su nod pa'i skabs las bsgrags pa'i rab tu byed pa bcu gnyis pa'o// //
Chapter 13: ngo mtshar gyi dum bu 'ga' zhig
der gsang phu'i dbyar dgun gyi dus chos la bya dus btab pa ltar g.yo ba med ngos lcags pho 'brug vc: 1460/ lcags mo sbrul vc: 1461/ chu pho rta vc: 1462/ chu mo luglugs vc: 1463/ shing pho spre'u vc: 1464ste de nyid kyi dgung lo so bdun du son pa'i bar gyi lo lnga po 'di dag la chos dbar 'phrad po dga' ldan gling/ yang dben nyi ma phug/ shel grong skyor mo lung/ tshal chos 'khor gling/ rgya ma glang ri thang/ nA lendra/ rgyal lha khang/ grosvc: or: gro sa?/ cha ri/ chos 'khor rtse rnams su/ 'phrang po seng ge sgang pa/ tshal khung/ glang bu grong/ shel grong/ ya chos pa/ rgya ma khar rtse'i zhal ngo tha dad dang/ byang sems mngon dga' ma/ grog mkhar ba/ mdun grod pa/ glang thang chos