[A:469]bstan pa 'dzin pa'i bshes gnyen ji tsam byung ba dang/ bshad rgyud 'dzin pa'i chos kyi grwa ji tsam tshugs pa dag mdor bsdus pa brjod pa ni/ rje btsun gong ma gsum gyi byin rlabs dang/ chos rje khu dbon gyis mdzad pa'i rnam par thar pa las 'khrungs pa ni/ shong ston rdo rje rgyal mtshan sku mched dang/ dpang lo tsA ba blo gros brtan pa zhang dbon gser ri'i phreng ba ltar rgyud mar byon pa rnams dang/ kun mkhyen dol po ba/ ma ti paN chen/ jo nang phyogs las rnam rgyal sogs mu tig gi phreng ba ltar byon pa rnams ni mtshon pa tsam dang/ khyad par sde snod dang rnam 'grel gyi bshad rgyun 'dzin pa la/ 'u yug pas rnam bshad rigs mdzod dang/ bsdus pa rigs sgrub mdzad/ rnam 'grel lugs kyi rnam bshad kyi thog ma yin par grags/ te ra pa byams mgon dang/ ldong ston shes rab dpal dang/ dkar shAkya grags dang/ shar pa shes rab 'byung gnas/ nags phug pa shes rab 'od zer dang/ lho pa kun mkhyen la sogs dngos kyi slob ma rnam 'grel mkhas par mkhyen pa dag yin zhes grags la/ phyis ni rgya nor bya gsum dang/ nya dar ma rin chen/ nya dbon po kun dga' dpal/ mkhas pa'i dbang po g.yag gzhon gnyis rnams te/ nyi zla ltar grags pa byon pa rnams ni mtshon pa tsam mo/
rnam 'grel gyi rnam bshad sa lugs dang bsdus pa rigs gter ltar 'dzin pa'i bshad grwa tshugs pa ni/ dpang lo chen pos bo dong er/ rnam 'grel dang/ mngon pa kun las btus kyi bshad grwa btsugs/ dpon chen byang pas ngam rings kyi chos grwa dang/ kun spangs chos grags dpal bzang gi bzang ldan dang/ si tu chos rin dpal gyis shel dkar gyi chos sde dang/ ta'i si tu byang chub rgyal mtshan gyis dpal rtses