[A:468]sngon med pa'i chos kyi byung tshul dang/ bstan pa'i btad rabs dang 'das lo rnams gtam rnying pa dang sbyar nas rgyas par gsungs pas/ sa skya pas chos kyi 'khor lo bskor to zhes pa'i gtam chen pos 'dzam bu'i gling mtha' dag khyab par byung gtan rtsis kyi rnam bzhag kun la mthun mong du grags pa 'di ni dus der mdzad pa 'di nyid las gzhan med la/ de ltar na ston pa me mo yos la lhums su zhugs/ sa pho 'brug la bltams pa nas bzung ste/ ding sang shing mo yos kyi lo shar ba 'di yan chad la lo gsum stong dang bdun brgya tham pa thal bar byed/ de ltar srol btod pa de'i rjes su 'phags pa rin po ches/ klog pa pa'i bshes gnyen khri tsho bdun dang/ de'i rjes su khri tsho lngas bsdus pa'i chos kyi 'khor lo lan gnyis mdzad pa la rnyed pa dang/ bskur bsti snga ma las ches lhag par byung ba dang/ ti shri kun dga' blo gros bod du bsnyen rdzogs la byon pa'i tshe chos 'khor gyi rnam bzhag rgya chen po dang/ gtan tshigs kyi rnam bzhag snga ma de nyid sor bzhag nas mdzad/ de thams cad kyang dbu rtse gsar rnying la sogs pa'i sku'i rten dang/ bka' dang bstan bcos 'gyur ro tshal gyi glegs bam rin po che las grub pa dang/ phyi rten sku 'bum rnam grub pa dang/ de thams cad la gser gdugs khel ba la sogs pa'i dus kyi rab tu gnas pa'i dga' ston dang sgo bstun nas mdzad do//
dus phyis chos rje bla ma dam pas rang lo re gcig bzhes pa'i tshe bo dong chos 'khor du grags pa dang/ re gsum pa la bsam yas chos 'khor du grags pa rnams mdzad cing/ gtan tshigs kyi rnam bzhag snga ma dang cung zad mi mthun par byung zhes grag go//
de ltar sa skya pas chos 'khor mdzad pa'i grub 'bras ni/