[A:462]dang bstan 'dzin la mchod pa dang ri mor bya ba ste/ kha pa can du bstan pa snga dar gyi chos kyi 'khor lo rim pa gsum bskor/ de nas rgyal po dar mas bstan pa bsnubs pa'i rkyen gyis/ dbus gtsang du sdom pa'i bshad bka' med pa lo grangs bdun cu lhag cig byung bar grags pa de'i tshe yang sde snod gsum dang/ rgyud sde 'og ma'i bshad bka' chad par gyur kyang/ sprul pa'i sku padma 'byung gnas kyis gsang sngags gang zag snyan brgyud dang/ rig 'dzin brda yi brgyud pa dang/ rgyal ba dgongs pa'i rgyud khyim pa'i tshul gyis nyams su len pa dang/ rgya gar la khungs byung ba'i bstan bcos rtsom pa dang/ gdug pa can tshar gcod par nus pa'i rig pa 'dzin pa mang po dag ni rgyun ma chad par bzhugs so//
de lta na yang so sor thar pa'i tshul khrims dang/ dam pa'i chos kyi nyan bshad phyis dar ba'i thog ma ni/ dbus gtsang gi mi bcus mdo khams smad nas rab tu byung ba dang bsnyen par rdzogs pa'i sdom pa yang dag par blangs/ dge 'dun gyi sde so sor btsugs/ de nas so sor 'chad pa'i dge 'dun gyi sde shin tu mang zhing/ dam chos 'dul ba'i bshad nyan rgyas bsdus ci rigs par byung ba de nas bzung ste/ deng sang gi bar du lo grangs brgya tsam chos 'dul ba'i bstan pa la bar chad ma byung ngo//
nyan bshad phyi dar gyi thog ma ni/ lo tsA ba chen po rin chen bzang pos yul kha che la sogs par bslab sbyangs mthar phyin par mdzad/ sngon med pa'i chos mang po gsar du bsgyur/ yod pa la zhus chen mdzad/ gsang sngags kyi bstan pa dar zhing rgyas pa dang/ sngags log sun 'byin zhes bya ba'i bstan bcos mdzad/ sku tshe de la mchog gi dngos grub brnyes/ dus 'di nas bod du gsang sngags gsar rnying