[A:463]gi tha snyad byung/ bod kyi mkhan pos bstan bcos mdzad pa'i thog ma ni/ lo tsA ba ye shes sdes lta ba'i shan 'byed dang/ lo chen gyi sngags log sun 'byin 'di yin par grags la/ phyis ni shin tu mang ngo//
lo chen gyis rang lo brgyad cu rtsa lnga pa la lha bla ma khu dbon gyis jo bo a ti sha bod du spyan drangs/ byang chub kyi sems sbyong ba'i rim pa dang/ snod ldan 'ga' zhig la rdo rje theg pa'i chos gsungs/ thugs rje dang smon lam gyi shugs kyis bstan pa'i sgo rang gi ngang gis phye/ de nas bshes gnyen po to bas byang chub sems dpa'i sde snod la bshad nyan gyi sgo rgyas par phye/ de nas bzung ste deng sang gi bar du byang chub sems dpa'i sde snod kyi nyan bshad la bar chad med do//
a ti sha'i slob ma rngog legs pa'i shes rab ni mdo smad du sdom pa blangs pa'i dbus mi lnga'i 'bring ye shes yon tan las rab tu byung ba yin no//
jo bos lung bstan nas ne'u thog gi gtsug lag khang bzhengs/ de'i dbon po rngog blo ldan shes rab ni/ 'jam dpal rtsa rgyud las lung bstan brnyes/ rgya gar shar nub tu bslab sbyangs mthar phyin/ bod yul du byams pa'i chos dang tshad ma sde bdun/ dbu ma rang rgyud shar gsum la sogs pa'i bshad nyan gyi dbu gtsugs bstan bcos du ma mdzad/ de nas bzung ste deng sang gi bar lo bzhi brgya bzhi bcu tsam lung rigs kyi bshad nyan la bar chad med do//
de ltar so thar sdom pa'i bshad bka' chad pa gso ba dang/ sde snod dang gsang sngags kyi chos gsar du bsgyur zhing/ a ti sha spyan drangs pa dang/ de nas lung rigs kyi bshad nyan rgyun ma chad par dar ba ste bstan pa phyi dar gyi tshul la chos kyi 'khor lo bskor ba'i rim pa gsum mo//
khyad par dbus gtsang du chos 'khor gyi