[A:465]dus de nas sa skya pa chen po zhal bzhugs pa yan chad du theg pa che chung dang mdo sngags kyi chos mtha' dag nyes pas ma bslad par gong 'phel du bzhugs shes gsung ngo/
de nas chos 'khor gyi rnam bzhag khyad par can ni chos kyi rje sa skya pas mdzad pa yin te/ de yang cung zad phye te brjod na/ sa skya pa chen po yab sras gsum ni/ mdo sngags kyi chos thams cad kyi mnga' bdag/ sde snod gsum po mtha' dag la bslab sbyang phul du phyin par mdzad cing/ khyad par chos kyi grags pa'i tshad ma la bslab sbyangs phul du byung bar bzhugs pa las/ bshad rgyud kyi bstan pa gzhan la rag ma las par gsar du 'dzugs pa'i dgongs pa mnga' bar gyur pa las/ phyis rje btsun paNDi ta'i zhal mnga' nas/ yab mes kyi chos lugs ji snyed pa mngon par byang chub cing/ nyams len dang chos kyi brgyud pa mtha' dag rgyun ma chad par spel ba'i mdzad pa las g.yel ba med bzhin du yang/ bod na grags pa'i sde snod kyi chos ji snyed pa dang/ khyad par rtog ge sde bdun/ rngog lo nas brgyud pa'i tshad bsdus la shin tu mkhas shing/ byang chub par gyur nas/ nyang stod smad/ ne'u thog dang/ bsam yas la sogs par bshad pa dang rnam bzhag rgya chen po mdzad/ de'i tshe kha che paN chen paNDi ta du ma'i grags dang bcas/ 'bad med lhun grub tu chu mig ring mo la sogs par phebs/ rab tu byung/ bsnyen par rdzogs// chos 'dul ba dang/ tshad ma chos mchog gsan/ su ga ta shri la sogs pa sa skyar spyan drangs/ sde snod dang rig pa'i gnas ma lus pa gsan zhing mkhas par sbyangs/ de dag gi gong rol na bod kyis rig pa'i