[A:408]yang lhas bzung bar nges pa dang/ bzhengs nus tsam nas/ lha sku dang/ glegs bam dang/ rab tu byung ba'i cha lugs can kho na la dga' zhing rtse bar mdzad pa dang/ gzhon nu rang gi gos chung ngu 'ga' zhig sham thabs dang/ la la chos gos yin zer ba dang/ rtsed mo'i grogs rnams chos nyan du byed pa sogs la dpags nas/ yab yum gyi sa rab tu byung ba nyid du bsngo bgrang mdzad cing/ 'tsho ba'i rkyen dag kyang byang chub sems dpa' la 'os pa dag kho nas 'tsho bar mdzad do//
de nas rim gyis rang lo bdun pa la/ yi ge pa'i slob dpon gyis/ chos kyi ma mo klog thabs gyi rim pa dang/ dkon mchog gsum rjes su dran pa sogs chos spyod kyi rim pa la bslab sbyangs mdzad/ de nas rang lo bcu pa la/ nyid kyi khu bo dus de tsam nas lugs kyi dge ba'i bshes gnyen ji snyed pa'i bla mar gyur pa/ spyan snga chos kyi rje kun dga' rgyal mtshan pas mkhan po dang/ de'i cung spyan snga phun tshogs dpal bzang po zhes pa'i mtshan can mdo sngags kyi gsung rab mang po dang/ rigs pa'i gnas du ma la rigs shing grol bar gyur pa'i spobs pa can des las byed pa'i slob dpon mdzad nas/ dge bsnyen nas dge tshul gyi bar du grub par mdzad/ de nas gnas kyi slob dpon ni/ rgyal lha khang dang/ chos grwa bde ba can gyi bshad nyan pa chen po phun tshogs pas mdzad de/ thog mar tshig le'ur byas pa sum brgya pa rtsa 'grel la bslab sbyangs dang/ mngon par rtogs pa'i rgyan rtsa 'grel la/ rgyal pa blo gros seng ges mdzad pa'i tshig don dang/ spyi don gyi sgo nas sgrin 'grus che bar mdzad/ rang lo bcu gcig bzhes pa'i tshe/ rje thams cad mkhyen pa rong chen/ mkhar rtse bas spyan drangs te phebs/ nA lentra'i dgon pa phul/ bstan pa rin po che spyi dgos thams cad nyi ma shar ba lta bur gyur/ de nas bzung ste rang lo bcu