[A:121]dkyil 'khor legs par bzhengs nas/ dbang gi bya ba brgyud pa'i phyag srol ltar ma 'chugs par zab rgyas kyi chos sgo phye nas/ byin rlabs dgos bka' so so la'ang gang la gang dgos kyi dkyil 'khor/ dbang rdzas sogs phan tshun spu tsam yang ma 'khrugs pa'i sgo nas sgyu skar 'char ba'i rim pa ltar de dang de thad du snga phyi med pa gzer bu btab/ khrid kha bcu gsum gyi sngon 'gro mi rtag skyo shas nas mthar bsten dag snang rjes su yi rang gi bar dmigs pa/ ngo sprod/ 'khrul 'khor/ lung/ lag len kun sdoms zla ba phyed gsum gyi bar nyin re bzhin rgyun ma chad par bsgrubs pa'i skabs/ ga Na tsakra'i pu dza gya nom pa dbang re re bzhin ma chad pa'i tshogs brgya rtsa 'bad med lhun grub tu byung ste/ de dus tshogs lhag dor ba'i sa phyogs yun ring po'i bar snum gyis yongs su sbags pa'i rang bzhin can dang/ ji lta ba'i tshogs bzang ba byung yang rang gi khams tshod dang bstun che 'bring chung gsum longs spyad pa'i mthar/ lhag kun gtor mar byin gyis rlabs/ ma chags pa'i sbyin gtong lhur len pa la/ skam chags kyi bsam pas chang bu gcig kyang mi 'khyer ba'i mig ltos bzang po'i phyag len la bkod cing/ tshogs zhu mi bzang ba'i dus sha mar mi khur gnyis long tsam bzhi mdor dpungs pas bya khyi rnams kyang zhe log/ rnam pa tsam gyis tshim par gyur pa'i tshul yul phyogs kyi lam 'grul ba tshun gyis mig lam du gsal ba de yin/ de ltar shangs chos yongs su rdzogs pa'i sgo de nyid zla ba dgu pa'i tshes gcig nas/ bcu gcig pa'i bcu bdun gyi ring la bar chad med par mthar phyin pa'i chos kyi grol ston dang/ bcu