[A:120]mjal gyi spros pa/ phyogs mtha' nyul ba'i sprang por song bas ma spobs/ rtsa ba'i dpon g.yog snying pa'i zhen gyis bdag mo'i drung du mjal kha zhus kyang/ nged sprang po snyoms chung la skyug bro gzigs nas ma byung ba gnang sbyin cog po'i sgor skyel du byung pa la/ dpon po'i sdug zhen gyis snying khar bcar pa re byas nas bzhag mtshams cog po bsgril/ sle bem gyi 'phrag la blangs/ rkang dung gsan nges pa gsum 'grel pa'i rten 'brel du bzhag nas rgya khra hor pa gzan la gzhungs pa bzhin du/ de nub rgyu gze'i chu tshan khar phyin nas/ nad 'don ched du chab zhugs byas te zhag mal cig bsdad do//
de tshe rgyal ba'i chu stod can//
chags bral phyogs kyi rigs ldan dus//
pa Ni ta tar sa ma dhi//
a darsha ltar gsal ba la//
'jigs pa'i snang ba ci yang mthong//
ma dang phrad par 'dod pa'i bu//
sdug bsngal nyams ngar bcas so skad//
de yi dngas shing sngar zhums tshe//
ka ka'i thal ba mgo bor lhung//
ka lang rU pa'i rnam pa nyid//
grags pa min pa'i las bcil bas//
'ching las grol ba'i brda gsang ces//
dbugs 'byin nges pa gnyis pa'o//
de nas yar lam mda' 'phangs bzhin myur bar rang gi bsti gnas brag stengs rdo rje brag rdzong du zla ba brgyad pa'i nyer gcig la sleb/ cung zad ngal bso dang ngo shes 'dris 'grogs phan tshun 'phrad pa'i rnam g.yengs la zla mtshams rdzogs rjes/ tshes gcig nas shangs chos kyi dbu btsugs/ phyogs mtha' nas 'dus pa'i dad can chos don gnyer sha stag/ dbang cha gcig la chos kyi sgo ma tshang ba med pa'i rgyas pa'i khur spel te/ thog mar rgyud sde lnga'i rdul tshon gyi