[A:123]bgyi ces yang yang bskul ba'i mtshan ma brdzun med byung ba dang/ 'di ltar shin du khams dub pa la yang bstan pa dang sems can la dgongs/ nyin mtshan rgyun ma chad par chos gsan lugs/ bdag las la bkod pa'i phyag brgya 'bul nyin re bzhin gnang ba'i rnam thar mngon sum du mthong ba 'dis yid ches rungs pa'i gting nas skyes/ ci yod kyi gdams pa lhag ma lus pa bum pa gang byor phyag tu thengs/ chos bdag po la 'phrod pa mi rgan da lta shi yang blo bde/ byes yul gang du shangs chos gnang kyang bar chad med pa'i khag ngas len/ khrid brgya rtsa'i stengs su dngos grub kyi pha phogs chen po yang yong gsung ba'i bka' lung bzang po dngos su phebs pa yin pas/ khyed rnams yid ches par gyis ces gnas lugs brjod pas/ der 'dus kyi bdag dpon slob thams cad dga' ba dang skyo ba zung sbrel gyi mchi ma lhug par byung ngo//
tshogs de nang du ma Ni dung 'gyur rang rang gi lce thog nas 'dren pa dang/ gzhan mang po bsnyen bkur bteg te dung 'gyur 'jug mi bcu bdun byung rang gi tshogs gsog pa tsam las ma 'grub pa de la/ khrid kyi mgo rang la bzang zhing gya nom pa'i ga Na tsakra blo 'das byung ba dang/ lo chen drung du khas blangs pa'i ma Ni dung 'gyur gyi dbu tshugs/ dge bshes sha stag rang 'dus pa'i lam 'bras de yang de nyin ka tshugs tsam bgyis nas bsam pa lhag par rangs pa'i ngang nas nyal ba'i rmi lam du/ bdag sngar 'brum bus na ba'i ri khrod de na 'dug pa'i mdun gyi nam mkhar rgya sgom ri khrod pa de nyid sku gzi mdangs sngar las kyang che ba/ g.yas g.yon steng 'og thams cad na