[A:124]bla ma mang po bzhugs pa la/ skyeng sgang pa yin nam snyam pa cig gsal cha che bar byung pa rmi/ phyis 'khrul med du de nyin rab brtan chos lung gi dgon par rgya sgom chen po zhi ba'i dbyings su gzims 'dug pa tshor bas rmi lam gyi snang ba dran/ bla ma dang sel med pa'i dam tshig gi srog la snying nas yid bde bar byung/ der snang gsum shin tu rgyas pa zla chos gcig gi bar bla chos med par grub mtshams/ de lo sgyu lus yang gsung ngag pa rang las dbang bskur gtan med pa bgyis/ sngags lam man 'chad rgyu dang smra rgyu yod do cog labs te/ go ba dang zungs su thebs pa'i rjes ni cig kyang ma dod sgra nam mkha' la dengs/ 'on kyang dus der rang nyid kyi dge sbyor la gsal snang che ba'i blo bskyed dang/ sngar ma go ba'i chos kyi sgrog mang du khrol/ gnas der dpyid sos bar dben gsum bsten pa'i yang dag 'jog gi rnal 'byor khyad par can la nan tan gyi snying rus mi chung ba lhur blangs/ rang shong gi sa phug sgo bcad zhig gi nang du gzan rkyang gcig kho na la bsgril nas g.yeng ba med pa'i bsgom bgyis pas/ stong gzugs kyi 'char sgo'i thog mar kun mkhyen mi pham mgon zhal ras brjid chags nya gang ba'i zla ba rgyas pa ltar mthong zhing/ snang ba 'di phyis sman 'byung sding du lo chen dpon slob lhan cig bzhugs pa'i skabs srod zhig snang ba med pa'i mun pa la lo chen gyi dbu thad tsam gyi bar snang la sngar ji lta ba bzhin bdag gis gsal bar mthong ba dus de rang du lo chen pa'i snyan du btab bo//
de ltar brag stengs su zla ba dgu gdan thog gcig tu skad cig kyang g.yo ba med par bsdad rjes/ lo chen drung du maN