[A:126]'ga' re bgyis cing ngal bso bsten/ zla phyed tsam bsdad nas rong phyogs kyi 'gro ba skad mi shes dge sdig 'chom par spyod pa dag la snying rjes kun nas blangs/ lho mon gyi mtshams smad lha khang du grags pa der rkang gtad phyin/ dpon slob bya btang rang sha stag bco lnga tsam rang shong gi cog so la brten/ ldum bu'i snang bde skyong gin/ yul ljongs che sa ru cag mal tsam dang/ gzhan gdan cig gar phog gi yul chung rnams su ma Ni'i 'gro don dam bca'i khas len srod tho rangs 'tshogs nas 'don pa'i dge bskul sogs re re nas ma chad pa bgyis/ skad mi shes kyi sems can sngar mi Ni 'dren mi byung na ngan sngags bzla ba yin zer sa mthor rdo mthor gyi rnam rtog can de rnams la/ kho rang gi skad du rim gyis glengs te/ rgya gar gyi dzo ki rnams gho rag sgo rag smra ba dang/ mo khol rnams kho das kho das/ bram ze rnams ram ram brjod pa dang khyad med nged bod mi rnams ma Ni pad me bzla ba yin byas pas yid ches nas ngang gis yig drug 'dren mi je mang du 'phel/ zla phyed bsdad ring yul gru chen po de'i skad shes thams cad kyis 'ur dir dir 'dren pa byung bas/ nged rang dpon slob kyang lhag par sems tshims shing dang spro ba byung na'ang/ sa phyogs de na sha chang ma gtogs za nyan dang spyad nyan til tsam yang mi 'dug/ ja yang rong chus mi thub par chad nas bskol mi nyan/ phyugs mang bar 'dug kyang 'o ma 'jo ba'i srol med pa/ mar zho dar sogs sgra yang mi grag skom dus chu yang dron mo ma gtogs grang mo gtan mi rnyed pa shin tu sbyong ba byung ngo//
de ltar rims bgrod sa ga yi//
chags bral rgyal ba dbus ma