[A:127]la//
som po gangs zhes bya ba'i ri//
tsa la ko Ta'i gnas sa ru//
lhag par rmongs pa'i ma nu Sha//
dpag med 'dus pa'i grong khyer der//
yig drug chos kyi rang sgra yis//
dge ba'i rol mo bskul ba la//
bdag dang skal ldan grogs po 'gas//
gu ru'i a ha rjes sgrub phyir//
sdug bsngal dang len bzod pa'i khur//
ku ru Ni ka snying la shar//
dbugs 'byin gsum pa'i nges pa'o//
sa der yun rings bsdad na nam zla'i stabs tshad pa'i 'jigs pa yong khas slar log/ som po/ kag/ khyen mdo/ khyed kha/ rdzar/ sram dkar/ tshugs/ pu Ta/ te/ kyu bar/ tsang li/ rdzong sogs yul tha dad kyi mi dpon so so la ster sbyin/ chos bshad du mas yid drangs nas dung 'gyur 'jug mi dpag med byung mtshams/ sngar phyin pa'i sne shang la man bskul kho na'i ched du sne shang yul po cher grags pa/ sma nang/ tang 'gyu/ dang ra sle/ ban bag/ pis/ rnga/ gus/ gyis sogs sne shang nang gi yul ma lus par ma Ni dung 'gyur 'jug mi ci mang spel te snar la bo che la 'dzegs nas/ snar yul stod smad rnams su yang ma Ni'i 'gro don che ba byung skabs bar gong nas 'bod mi byung pas/ sgog song tag gi lam la brgyud/ skye chen skye chung gi lar grags pa/ gyen rang la nyin rtser 'dzeg dgos shing/ la rtse na dbyar kyang kha ba 'bab pa'i lam 'jig bcas de la byas/ 'dzum glang rgyal po ma nu rA dza'i mnga' zhabs kyi char gtogs pa/ rgyal po shar nub gnyis ka'i sa mtshams/ bla ma pa chen gyis sku'i bkod pa bstan/ lam 'bras gsungs pa'i gnas/ mtshar 'ga' zhes pa'i sa phyogs der zla phyed tsam gyi