[A:149]chen mtshan spel mi'i rtsom yang bla ma'i rjes dran la bgyis/ sa ga'i bcu bdun nyin tshogs su btsugs shing/ de nyin gang zag re res kyang dkar me lha bshos mi 'bul mkhan mi 'dug pas/ nang thams cad mchod pa'i yo byad kyis gang bar gyur to//
de nas sa ga'i bcu bdun nub//
yab rje dbyings su gshegs pa'i dus//
rjes dran dge tshogs rab spel bas//
thun mongs slob mar bcas tshim tshe//
skya rengs 'char kha'i snga logs su//
mchog tu gsal ba'i sa ma dhiH
rmi lam spangs pa'i mngon sum la//
bzang po'i khri bcas mthon po'i stan//
de steng pha nyid bzhugs pa snyam//
dkar 'jam dwangs pa'i rang bzhin gyis//
legs byas g.yas pa'i zhabs brkyangs nas//
bdag gi spyi bor rab bzhag te//
mtshan 'dzin rtog pa ma lus pa//
zhi ba'i gnas la 'god par mdzad//
sngar med dbang gi ye shes che//
don chen gsang ba'i dbugs dbyung thob//
byis pa rang nyams bzhin yengs pa//
pha nyid dag pa'i dbyings su bzhud//
snang ba nam mkha'i 'ja' ltar yal//
dbugs 'byin rnyed pa lnga pa'o//
de ltar byin rlabs kyi mtshan ma khyad par can des yid lhag par drangs nas spro ba 'phel te/ sngar thang skur bris pa/ lugs su blug pa/ tsan dan sogs shing brkos su bsgrubs pa'i skra lo re bzhin rgyun ma chad pa/ bzhengs pa'i mtha' bsten la dmigs/ gsum thog gi ngos ma tshud tsam gyi rnam thar bris thang chen mo de nyid bzhengs shing/ mchod pa'i rgyur zangs stobs mi chung ba'i gzhi rten sbyar/ spyir yum la dmigs pa'i rdo rje rnal 'byor ma'i bris thang bcu/ mkhan rin po che'i