[A:~150]thugs dgongs rdzogs thabs la bde mchog nag po pa'i gzab bris bcu/ rgya sgom ri khrod pa'i dgongs rdzogs la rgyud sde lnga'i dkyil thang khyad 'don bcu/ rang gi tshe sgrub la dmigs tshe dpag med lha dgu'i dkyil thang bcu/ dkor sbyong la dmigs rdo rje mi 'khrugs pa'i dkyil thang bcu rnams bzhengs pa'i 'dun pa yod pa yang de los yongs su rdzogs pa grub rjes/ rong nas 'khor te/ rong dugs la brten pa'i 'khru na 'chi nges pa cig byung skabs/ bsam pa la rgyu ngos rang snying non pa'i bya ba sgrub rgyu ma byung yang/ lhag bsam dag pa'i dge ba lam du song 'dug/ bsags sbyang gi rnal 'byor skabs rmi lam du 'khru skyugs byung ba'i sdig pa zad pa'i rtags su byed na/ a la la snyam sdug bsngal dang len gyi blo kha tsam min pa'i rjes dpag skyes/ gtong len gyi dmigs pa yid 'jur ba khril khril bas gcun pas rkyen thog tu blo khel pa'i nges shes lhug par skyes shing/ gzhi nad phel che ba de rang gi so phyung nad khyer la song nas/ yang yang 'bod mi nan bskyed byung ba'i mdun ma dbu nas legs pa'i gnas ga la ba der zla ba bcu pa'i bcu bdun mchod kyi nyan nas lam 'bras btsugs/ byang dgon tha dad nas 'dus pa'i dge 'dun bzhi brgya longs nges la bshad pa mtha' chod yang dag pa'i khur blangs te nyin mtshan rgyun ma chad par gsung ngag rin po che nyid 'chad pa la chig dril du byas/ zur chos phran bu yang lam 'bras rang ma gtogs chos gzhan gyi rnam g.yengs rtsa ba nas dor/ chos thun rgyun ring shing bshad lung babs chags pa'i ngang nas snang gsum legs par grub rjes/ sems bskyed la skye bo