[A:177]so// zhes bya ba 'di re zhig dbri bsnan med par yongs su grub pa'o//
rab sbyang gzhung lugs kun gyi gnad don rig//
mi mthun brtsod pa'i dbyangs rnams brag char go//
gcig pur 'dug kyang dga' ba'i ca co shor//
sems kyi mdud grol mchog de 'di skad gleng//
mang thos kun rtog bsam byung 'od brgya ba//
rta bdun rkyen gyis gzhan dbang gling bzhir drangs//
bcu gnyis dga' ma'i khyim du bsgom pa'i mal//
grol ba mchog gi gnas la dga' mgur bsten//
kun gsal lang tshos rab dregs lus phra ma//
gre 'gyur bye ba'i snyan ngag rgyud mang sgras//
mkhas rnams snying la dpyid kyi dga' ston chad//
sna tshogs rang grol mchog la sbyor shes mod//
deng dus byis pa kun la yul gyi skad//
phal pa'i nga ros dga' ba bskyed byed pa//
rigs pa min la snang blo g.yo ba'i tshul//
gnas 'dir grol mchog lhag par ngo mtshar gyur//
sngon byon mkhas kun rig gnas gzhung brgya yi//
dpag bsam lo ma'i dga' ston chags nas//
grub mchog rnams kyang don bzang 'bras bu yis//
rang grol bcud len mchog la yid rton gyur//
kyi hud gnyis 'thung dbang po'i kun spyod la//
ma sbyangs ba lang dga' ba gang la skye//
ming tsam mtshungs kyang rang bzhin tha dad ces//
grol mchog som nyi spangs te 'di skad smra//
dpal ldan mkhas kun dga' ba'i bdud rtsi ni//
rang grol bsam pa'i bsnyim pas legs mnos te//
gsung rab mchog la mi 'jigs spobs pa can//
blo gsal rgya mtsho'i sde yis rnam par bkod//
e ma kun rtog zhing sa la//
nye bar 'khrungs