[A:180]la//
don bzhin 'doms la snying nas yid ches byos//
e ma dam chos rin po che//
bsams bzhin dka' bar ston pa'i tshul//
mthar thug rdzogs pa'i sangs rgyas nyid//
ji ltar rnyed snyam so nyer spyod//
thos pa las gzhan lam med cing//
bdag ni thos pa'i khur gyis bcings//
thos bral mu cor smra ba ni//
snying nas spyod par ma nus grang//
bstan pa las lhag bkur bsti'i gnas//
gzhan du rdul tsam ma dmigs tshe//
de nyid 'dzin dang spel ba'i phyir//
thos pas mi ngoms nyid du gyur//
thos bsgom spel mar bgyid pa'i sems//
yid gnyis 'phyang mor spyod na ko//
dben gnas ri bo'i khrod nyid du//
gnyug ma'i rang zhal blta bar smon//
blta yul mthong bya'i gnas min pa'i//
khyab gdal gnyug ma'i de nyid ni//
grong dang dben pa'i gnas dag tu'ang//
ro mnyam nyid phyir 'bad pas ci//
bdag blo thos pa'i bang mdzod 'dir//
dbang lung gdams pa'i rin chen dag//
dad pa'i zong gis nyer thob pa'i//
gnas tshul cha tsam yi ger spel//
de yang rang gi las snang gi kun rtog ji lta ba'i gnas tshul sgrib med du bris pa'i yi ge snga ma de nyid dang rjes su 'brel ba'i brjod pa'i sgor gyur ba yang/ rgya sgom sbas pa'i rnal 'byor bas dngos grub kyi pha phogs 'byung bar lung bstan pa'i gnas don mngon sum du mthong ba'i skabs/ yid bde mar ngo 'phel ba'i ngang nas/ mi 'jigs pa skyabs kyis bde bar 'tsho ba'i zhing dpal khri khang gi yang rtse rnam par rgyal ba'i pho brang mthon por mi dbang yab sras kyi drung du/ paN chen nags kyi rin chen nas brgyud pa'i tshe 'dzin