[A:181]dkar po rgyal ba 'od snang gi byin rlabs chos kyi sgo 'byed sngon du 'gro ba can gyi padma tshe dpag med kyi 'chi med gnyug ma'i gzhung lam khyad par can la/ yi ge cha re re nas dris mal gyis thugs kyi the tshom ma lus pa bsal te yid ches rnyed pa'i phyag khrid mdzub tshugs su phul mthar/ dpal shA wa ra 'chi med nas brgyud pa'i zab lam rdo rje'i rnal 'byor rgya gar paN chen nags kyi rin chen gyi khyad chos de nyid kyi zhal lung chos rje chos kyi grags pa'i yig ris su mdzad pa'i dngos bstan las brtsams te/ rang gi rgyud kyis bsdus pa'i myong ba cung zad kyi rjes su brgyan te zhib rgyas su phul bas/ rnam par dpyod pa'i mkhyen dgongs zhib mor 'byed pa'i dgongs pa'i dbyings su yongs su byor zhing/ dad pa gsum stobs su gyur pa'i skal ba bzang po'i gnas bdag gir mdzad/ de las gzhan snga gong sa skya'i lo tsa ba chen po 'jam dbyangs gsar ma'i zhabs kyi padmor mngon par dbang bskur phyin ci ma log par gsan pa'i dpal sdom pa rab 'jigs he ru ka bong bu'i zhal can gyi rdzogs rim phra thig gi rnal 'byor nai pA la'i paNDi ta ma hA bo dhi nyid kyi thugs bcud nges brjod kyi rgyud bla na ma mchis pa de nyid dang/ tshe dbang brgya rtsa/ bde mchog lU i zhabs kyi dbang/ grub pa'i rgyal mo lha mangs/ ye shes mgon po phyag bzhi pa'i bkas bsgo rjes gnang sogs 'bul ba'i skabs nyid du/ sngar smos pa'i rtogs brjod kyi rgya cher bshad pa nyid kyang bka' bskul nas legs par sbyar zhing/ mtha' rgyas kyi bgyi ba cung zad dpal snar thang gi chos grwa chen po nyid du zhabs thogs par bgyi ba'i skabs/ chos grwa chen po de nyid na