[A:184]rgyal po'i pho brang du phyin/ byang phyogs yab sras la dus kyi bka' dbang rgyu lam 'chag med kha gso/ tshe dbang brgya rtsa sogs 'bul ba'i skabs/ slar dpal stag lung gi gdan sa chen po nas/ mchog gi sprul pa'i sku chen po'i bka' lung nan bskyed du/ sngar gyi chos kyi rnam grangs mtshan tsam thos pa'i legs byas kyi don de nyid slad nas zab rgyas kyi bdud rtsi rjes su myang ba'i blo rings pa nyid du yod pa nas/ lam gyi dka' tshegs la ma ltos pa ci nas kyang myur bar/ sngon gyi dam tshig rjes su dgongs pa'i 'byon lugs dgos gsung ba'i bka' bstsal ci bor blangs nas/ shul rings kyi ngal dub la khur du bzod pa'i ngang nyid nas/ thog mar dpal spyang lung gi ri khrod chen por rigs 'dzin 'chi med dbang po rgyal ba 'od snang gi ngo bor gyur pa'i dpal rin po che spyang lung pa'i zhabs drung du phyin te/ gser zho bcu gsum gyis sna drangs pa'i dngos po rnam par dag pa lag na ci mchis pa thams cad yongs su dag pa'i sems kyis phyag gi padmor son par bgyis/ theg chen chos kyi rgyal po nas brgyud pa'i lam 'bras cha lag yongs su rdzogs pa'i bka' drin zhu ba'i snyan gsan btab/ zhag 'ga'i bar du lam gyis dub pa'i ngal bso'i yid bder ci bder 'khod cing/ de bar paN chen rin po che nas brgyud pa'i grub pa'i rgyal mo'i tshe dbang khrid dang bcas pa zhus mtshams stag lung nas 'bod mi rim can du byung bas myur bar bskul te/ stag lung thang pa'i chos grags gcung rin po che 'gro ba'i mgon po ras pa chen po'i zhal gyi dkyil 'khor nye bar mthong ba'i yid bdes drangs/ zhag gsum tsam bcag mal