[A:185]bgyis nas/ sprul pa'i sku chen po nyid thang 'brog gi dben gnas na hor sogs mtha' 'khob kyi 'gro ba du ma'i don du chos kyi 'khor lo rmad du byung ba bskor zhing bzhugs pa'i spyan sngar phyin/ dges pa rab kyi mthar gyur pa'i bka' bstsal gyi thog ma/ da lta 'di na nged la chos zhur 'tshogs pa'i bla ma khyung pos gtso byas bsgom chen sha stag brgyad cu tsam 'dug pa/ 'di dag la chos kyi sgo 'byed du ming gi bkra bzang bar 'dug pa nas sems khrid yid bzhin gyi nor bu cig gnang ba zhu gsung ba'i bka' dang du blangs/ dgongs kha'i cha la 'gro mgon dung mtsho ras pa'i rnam thar zhib rgyas dang/ sngon byung skyes bu ye shes rdo rje'i rnam thar ma 'ongs lung bstan dang bcas pa yid ches su sbyar ba'i chos kyi khog phub rnal 'byor bzhi gsum bcu gnyis nyid bshad bya'i ngo bor bkod pa'i zab khrid lag bcangs su zla chos cig gi bar bgyis shing/ zhabs drung sprul pa'i sku nyid la thog mar skye bo mang po 'dus pa'i sku grib bsal ba sogs ched du dmigs pa'i rnam 'joms dzA li ma dkar po'i byabs bsrungs/ de nas rim bzhin rnam 'joms bir lugs/ rnam 'joms ma Ni badzra rnams kyi dbang 'phags pa rin po che'i yig cha ltar bgyis/ rnam 'joms lha cig bum cig gi chab khrus btud mar zhag 'ga' phul mthar/ jo bo rje lha cig nas brgyud pa'i rme brtsegs ljang khu/ ba ri lo tsA ba nas sa skya pa la brgyud pa'i rme brtsegs dud kha/ drin can spyang lung pa nas thos pa'i khro mo rme ba brtsegs ma rnams kyang phul zhing/ de skabs kyi bka' chos 'bul bya'i snying po byang chub sems pa vc: dpa'i 'grel pa skor gsum dang bcas pa'i bsdus